वाइसीएलको राष्ट्रिय भेला जेठ २८-३० मा काठमाडौँमा

काठमाडौँ : योङ कम्युनिष्ट लिग नेपाल (वाइसीएल)ले आगामी जेष्ठ अन्तिम साता राष्ट्रिय भेला गर्ने भएको छ । लिगको चौँथो बैठकले जेष्ठ २८, २९ र ३० गते काठमाडौंमा राष्ट्रिय भेला गर्ने निर्णय गरेको अध्यक्ष रामप्रसाद सापकोटाले जानकारी दिए । 

‘चौँथो बैठकबाट हामीले आगामी जेष्ठ २८, २९ र ३० गते काठमाडौँ राष्ट्रिय भेला गर्ने निर्णय गरेका छौं,’ अध्यक्ष सापकोटाले इकागजसँग भने । 

२०७५ जेठ ३ गते तत्कालिन माओवादी केन्द्र र एमालेबीच एकीकरण भएर नेकपा बनेसँगै वाइसीएल युवासंघमा समाहित भएको थियो । सर्वोच्च अदालतले नेकपालाई अवैधानिक ठह¥याएसँगै वाइसीएल व्युँतिएको हो ।  व्युँतिएपछि बसेको बैठकले इकाइदेखि केन्द्रसम्म भेला गर्ने निर्णय गरको हो । 

अध्यक्ष सापकोटाका अनुसार बैठकले संगठनमा दुई लाख सदस्य थप गर्ने निर्णय पनि गरेको छ ।