सेवामूलक उद्योगबाट बाहिरियो ई-कमर्श

काठमाडौं : सरकारले विद्युतीय व्यापार (ई-कमर्श)लाई सेवामूलक उद्योगको सूचीबाट हटाएको छ । वाणिज्य विभागको क्षेत्राधिकारमा पर्ने भएकाले ई-कमर्शलाई सूचीबाट हटाएको हो ।

उद्योग मन्त्रालयका अनुसार व्यापारसँग प्रत्यक्ष सम्बन्ध राख्‍ने विषयहरूलाई उद्योगको सूचीबाट हटाइएको छ । वाणिज्य मन्त्रालयले ई-कमर्शको नियमनका लागि छुट्टै विधेयक नै मस्यौदा गरिरहेको छ ।

विद्युतीय माध्यमको प्रयोग गरी सर्वसाधारणलाई सेवा दिने जुनसुकै व्यवसाय अब उद्योग मन्‍त्रालयको क्षेत्राधिकारबाट बाहिरिएको छ । ई-कमर्शबाहेक थोक तथा खुद्रा व्यापारलाई समेत हटाएको छ । त्यसबाहेक फुड कोर्ट, क्याटरिङ र घुम्ती स्टल समेत यस्तो सूचीबाट हटेको छ ।