कांग्रेसलाई हराउँदै आलिताल गाउँपालिका अध्यक्ष र उपाध्यक्षमा माओवादी उम्मेदवार विजयी

डडेल्धुरा- डडेल्धुराको आलिताल गाउँपालिका अध्यक्षमा माओवादी केन्द्रका उम्मेदवार शेरसिंह पार्की निर्वाचित भएका छन् । कांग्रेसका बलबहादुर गुरुङलाई हराउँदै अध्यक्षमा पार्की निर्वाचित भएका हुन् ।

अध्यक्षमा निर्वाचित पार्कीले २३ सय ८९ मत ल्याए । उनका प्रतिद्वन्द्वी गुरुङले २२ सय २४ मत पाए । पार्कीले गुरुङलाई १ सय ६५ मत बढी ल्याएर हराएका हुन् ।

त्यस्तै उपाध्यक्षमा माओवादीकै मैनाकुमारी रावल बोहरा निर्वाचित भएका छन् । कांग्रेसकै जलाकुमारी विष्ट (बोगटी)लाई हराउँदै मैना उपाध्यक्षमा विजयी हुन् । उपाध्यक्षमा विजयी रावलले २६ सय २ मत प्राप्त गरिन् । कांग्रेसकी बोगटीले २२ सय ४१ मत ल्याइन् । यी दुईबीचको मतान्तर ३ सय ६१ रह्यो ।