काठमाडौँ- नेपाली प्रयोगकर्तामाझ लोकप्रिय बन्दै गएको भिभोले नेपाली बजारमा २०२३ मा विभिन्न नयाँ फोन सार्वजनिक गरेको छ । सन् २०२३ मा पनि आफ्नो उपस्थितिलाई थप मजबुत बनाउन भिभोले नवीन उत्पादनहरू र ग्राहक केन्द्रित पहलहरू सार्वजनिक गर्न प्रतिबद्धता जनाएको छ ।

भिभोका लागि सन् २०२२ निकै अद्भुत रहयो, डिजाइन–ड्रिभन स्मार्ट उपकरणहरू र सेवाहरूमार्फत अहिले देशको सबैभन्दा धेरै बिक्री हुने स्मार्टफोन ब्रान्डहरूमध्ये एक बनेको छ । 

भिभोले निरन्तर उत्कृष्ट क्यामेरा क्षमताहरू, द्रुत–चार्ज टेक्नोलोजी, आकर्षक डिजाइन, शक्तिशाली पर्फमेन्श लगायत अत्याधुनिक विशेषताहरूमार्फत हामीलाई आश्चर्यचकित बनाउँदै आइरहेको छ । 

स्रोतका अनुसार भिभोले २०२३ मा बहुप्रतिक्षित भी२७ सहित भी सिरिज र वाई सिरिजका नवीनतम उत्पादनहरू सार्वजनिक गर्नेछ । नेपालमा स्थापना भएदेखि नै यस ब्रान्डले १५सय भन्दाबढी रिटेल स्टोर र ४ वटा ग्राहक सेवा केन्द्रमार्फत उनीहरूको आवश्यकतालाई बुझेर सन्तुष्टि प्रदान गर्दै आएको छ । 

यी संख्या निरन्तर बढ्दै गइरहेका छन् यसका लागि ग्राहकवर्गले दिएको माया र प्रशंसाको लागि धन्यवाद । विश्वव्यापी रूपमा पनि, ब्रान्डले कतारमा आयोजना भएको फिफा विश्वकप २०२२ लाई प्रायोजन गरेर प्रविधिको माध्यमबाट मानिसहरूलाई जोड्ने आफ्नो प्रतिबद्धतालाई निरन्तरता दिएको छ ।

भिभोले सन् २०२२ मा महत्वपूर्ण फ्ल्यागशिपहरू, विशेष गरी भी२३ र भी२५ सिरिजहरू सार्वजनिक गरेर उत्पादन लाइनको आक्रामक विस्तार गर्यो । वाइ३३एस, वाइ०१, वाइ५५, वाइ१५सी, वाइ३५, वाइ२२, वाइ१६, र वाइ२२एस को लन्चहरूसँगै ब्रान्डको बजेट मैत्री र सुविधायुक्त वाई शृङ्खलाले पनि विस्तारको अनुभव गरेको छ ।

यसबाहेक, ब्रान्डको वाइ२०, वाइ२१इ र वाइ२३इ स्मार्टफोनहरूको मूल्य क्रमशः २० हजार ९९९ र ३७ हजार ९९९ र ४१ हजार ९९९ मा घटाएको छ । भिभोले भी२३ फाइभजीमा कलर चेन्जिङ ग्लास प्रविधि ल्याएको थियो भने भी२५ फाइभजीमा ५०एमपी फ्रन्ट क्यामेरा, ४५ सय एमएएच ब्याट्री र ४४ वाट फ्ल्यासचार्ज ल्याएको छ । रङ परिवर्तन हुने ग्लास प्रविधिले स्मार्टफोनको डिजाइनलाई परिभाषित गरेको छ ।

बेन्फेन – सही चीजहरू गर्ने र तिनीहरूलाई सही तरिकाले गर्ने भिभोको मार्गनिर्देशनका साथ ब्रान्डले आफ्नो काम गर्ने इकोसिस्टमको महत्व बुझेको छ । यसैले गत वर्षमा डिसेम्बर २०२२ मा वसन्तपुर दरबार स्क्वायरमा रक्तदान कार्यक्रमको आयोजना लगायत धेरै महत्वपूर्ण पहलहरू संचालन गरेको छ । “मोर लोकल, मोर ग्लोबल” दृष्टिकोणलाई आत्मसाथ गर्दै भिभोले स्थानीय प्रतिभालाई सम्मान र प्रोत्साहन गर्छ जुन “भिभोटाइन फोटोग्राफी प्रतियोगिता” बाट झल्किन्छ, जहाँ प्रतिभाशाली फोटोग्राफरहरूलाई पुरस्कार र भी, ए’ र वाई सिरिज स्मार्टफोनहरुमा छुट दिएको थियो ।

यसको ग्राहक केन्द्रित दृष्टिकोणको अर्को प्रमाण भनेको “भिभो सर्भिस डे” हो जुन हरेक महिनाको २७ देखि २९ तारिखसम्म मनाइन्छ । यसमा ग्राहकहरूले अन्य फाइदाहरूका साथै निशुल्क सरसफाइ, सिस्टम रिकभरी र सफ्टवेयर अपग्रेड लगायतका निःशुल्क बिक्री पछि सेवाहरूको फाइदा लिन सक्छन् । डिसेम्बर २०२२ मा ५औं वार्षिकोत्सवको अवसरमा, भिभोले दैनिक, साप्ताहिक र बम्पर लक्की ड्र मार्फत प्रयोगकर्ताहरूलाई आकर्षक उपहारहरू प्रदान गर्दै एक महिना लामो “सेल्स कार्निभल” सम्पन्न गरेको छ । ब्रान्डले नेपालमा फाइभजी क्षमताको सुधारलाई पनि उल्लेखित उद्देश्यका रूपमा लिएको छ । भिभोले नेपाली समुदायमा आफ्नो संलग्नता र योगदानलाई सुधार गर्न २०२३ मा आफ्ना सेवाहरू र पहलहरूलाई अझ जोसिलो रूपमा वृद्धि गर्न जारी राख्नेछ ।