मकवानपुर - मकवानपुर प्रहरीले अफिमसहित हेटौंडाबाट तीन जना पक्राउ गरेको छ । पक्राउ पर्नेमा हेटौंडा–७ बस्ने ५६ वर्षीय जय बहादुर मुक्तान, बारा निजगढ नगरपालिका–१२ बस्ने २४ वर्षीय विष्णुलाल थिङ र मकवानपुर बकैया–६ बस्ने ३२ वर्षीय दिनेश थिङ रहेका छन् ।

प्रहरीले हेटौंडा उपमहानगरपालिका वडा नं. ७ बेलिबृज नजिकैबाट लागूऔषध अफिम २ किलो ९ सय ग्रामसहित तीन जनालाई पक्राउ गरेको जिल्ला प्रहरी कार्यालय मकवानपुरका प्रवक्ता एवं प्रहरी नायव उपरीक्षक टेकबहादुर कार्कीले जानकारी दिए । उनीहरुमाथि अनुसन्धान भइरहेको प्रहरीले जनाएको छ ।