प्रमुख समाचार

अदालतले महासचिव गौतमविरुद्ध पक्राउ पुर्जी जारी गर्नुपर्छः अधिवक्ता थापा

कमल विष्ट | मंसिर २१, २०७९

काठमाडौं– सर्वोच्च अदालतका वरिष्ठ अधिवक्ता शम्भु थापाले संसद् सचिवालयका महासचिव भरतराज गौतमविरुद्ध अदालतले पक्राउ पुर्जी जारी गर्नुपर्ने बताएका छन् ।

निलम्बित प्रधानन्यायाधीशमाथिको महाअभियोग निष्प्रभावी भएको भन्दै महासचिव गौतमले जारी गरेको पत्रले सर्वोच्च र संसद्को मानहानी गरेकाले उनीविरुद्ध पक्राउ पुर्जी जारी हुनुपर्ने अधिवक्ता थापाले जिकिर गरे ।

अनेकन अभियोगमा महाअभियोग खेपिरहेको एउटा व्यक्तिलाई संसद्को एउटा सामान्य कर्मचारीले त्यसरी सफाइ दिन नमिल्ने भनाइ अभिवक्ता थापाको छ । महाअभियोगको छिनोफानो गर्ने अधिकार संसद्लाई मात्र रहेको पनि उनले बताए । 

‘गौतमज्यूले जुन पत्र लेख्नुभयो त्यो सामान्य पत्र होइन । यस्तो पत्र लेख्ने अधिकार उहाँलाई छैन,’ इकागजसँग उनले भने, ‘यदि छ भने संविधानको कुन धाराको प्रयोग गरेर उहाँले त्यस्तो गर्नुभयो ? संविधानको कुन धारामा टेकेर सफाइ दिइयो ? यी तमाम प्रश्नको उत्तर महासचिवज्यूले दिनुपर्छ ।’

गौतमले गरेको काम क्षम्य दिन लायकको नभएको पनि थापाको भनाइ छ । महासचिवले सिंगो संविधानलाई नै क्षतविक्षत गरेको उनले आरोप लगाए । ‘संविधानलाई नै
क्षतविक्षत गरेको अभियोगमा उनीमाथि राजद्रोहकै मुद्दा हाल्नुपर्छ,’ उनले अगाडि भने, ‘मैले जे गरे पनि हुन्छ, मलाई कसैले केही गर्न सक्दैन भन्ने मानसिकता उनमा देखियो । संविधान, संसद् र सर्वोच्चलाई मजाक बनाउने जोकोहीलाई छुट दिन सकिँदैन ।’

महासचिव गौतमले उक्त असंवैधानिक पत्र प्रधानन्यायाधीश शमशेरकै इन्ट्रेस्टमा आएको उनको आशंका छ । ‘नत्र गौतमज्यूले मैले कसैको प्रभावमा आएर यो गरेको हुँ भनेर नै भन्दैन्थे नि । प्रधानन्यायाधीशनले बढो धूर्तताका साथ यो सबै गरेका हुन् । यति मात्र होइन, उनले जे पनि गर्न सक्छन्,’ थापाले भने । 

संसद् सचिवालयका महासचिव गौतमले निलम्बित प्रधानन्यायाधीश माथिको महाअभियोग निष्प्रभावी भएको भन्दै बुधबार पत्र जारी गरेका थिए । उक्त पत्रलाई लिएर दिनभर सर्वोच्च अदालत परिसर तनावपूर्ण बन्यो ।

धर्नामा बसेका अधिवक्तालाई पूर्वमहान्यायाधिवक्ता संग्रौलाको प्रश्न : नेताको चाकरी गर्ने तपाईँ कति ठीक ?

इकागज | मंसिर २१, २०७९

काठमाडौं- निलम्बित प्रधानन्यायाधीश चोलेन्द्र शमशेर जबराविरुद्धको महाभियोगको प्रस्ताव निष्प्रभावी भएको ...

सुर्खेतमा श्रीमतीको हत्या गरी टाउको बोकेर हिड्दै गरेका श्रीमान् पक्राउ

इकागज | मंसिर २१, २०७९

सुर्खेत - लैंगिक हिंसा विरुद्धको १६ दिने अभियान सञ्चालन भइरहेको बेला सुर्खेतमा श्रीमतीको विभत्स हत्या गर्...

सरकारी र निजी कार्यालयहरूलाई आफ्नो परिसरको फोहोर व्यवस्थापन गर्न काठमाडौँ महानगरको ३५ दिने अल्टिमेटम

इकागज | मंसिर २१, २०७९

काठमाडौँ- सरकारी तथा निजी कार्यालयहरूलाई आफ्नो परिसरको फोहोर व्यवस्थापन गर्न काठमाडौँ महानगरपालिकाले ३...