झापामा पाँच युवाले सुरु गरे जिउँदो माछा बिक्री केन्द्र

इकागज | असोज २१, २०७८

झापा - भारतीय माछा विस्थापित गर्ने उद्देश्यले झापाका ११ स्थानमा जिउँदो माछाको बिक्री केन्द्र सञ्चालनमा आएको छ । पाँच युवा मिलेर गाभुर एग्रो फार्म प्रालिमार्फत काँकरभिट्टा, इँटाभट्टा, धुलाबारी, भद्रपुर नगरपालिकाको झापा चोक र सगरमाथा चोक तथा बिर्तामोड नगरपालिका क्षेत्रका बिर्ताबजार, चारपाने, बुट्टाबारी, जात्रुबारी, अतिथि सदन रोड र स्याँलडाँगीमा केन्द्रहरु एक साथ सञ्चालनमा ल्याएका छन् । 

स्वास्थ्यका दृष्टिकोणले निकै फाइदाजनक अग्र्यानिक जिउँदो ताजा माछा बिक्री केन्द्रको बिर्ताबजारमा उद्योग वाणिज्य महासङ्घ प्रदेश १ का अध्यक्ष टीकाराज ढकालले उद्घाटन गरेका छन् । फर्मालिन प्रयोग गरेर हप्तौँपछि नेपाल भित्र्याइएका भारतीय मरेका माछाले उपभोक्ताको स्वास्थ्यमा गम्भीर किसिमका रोग लाग्न थालेको उपभोक्ताको गुनासो आएसँगै जिउँदो माछाको बिक्री केन्द्र सञ्चालनमा ल्याइएको गाभुर एग्रोका प्रबन्धक अभय राजवंशीले बताए । 

सरसफाइमा विशेष ध्यान दिँदै उपभोक्तालाई अग्र्यानिक ताजा माछा खुवाउने व्यवस्थित बिक्री केन्द्र सञ्चालनमा ल्याइएको केन्द्रमा पंघास, रहु, कमन कार्प, बिग हेड, पम्प्लेट, नैनीलगायतका माछा राखिएको उनले जानकारी दिए । 

माछालाई जिउँदो राख्नका लागि बिक्री केन्द्रमा सिसाका एक्वारियम बनाई अक्सिजन दिने व्यवस्था गरिएको छ । उनीहरुले सर्वोत्तम एग्रो सप्लायर्स प्रालि नामक अर्को एउटा कम्पनीसमेत स्थापना गरी माछाको दाना पनि बिक्री गर्दै आएका छन् । 
 

विश्वासको मत लिने तयारी गरेका मुख्यमन्त्री आचार्यले भने- थपक्कै कसैको हातमा हालिदिने हो र ?

इकागज | असोज २०, २०७८

विराटनगर - असोज २३ भित्र विश्वासको मत लिने तयारी गरेका प्रदेश १ का मुख्यमन्त्री भीम आचार्यले विपक्षी दलहरूल…

बीपी प्रतिष्‍ठानमा भएको अनियमितताको विरोध गर्दै माइतीघर प्रदर्शन (फोटो फिचर)

इकागज | असोज २०, २०७८

काठमाडौँ- बीपी कोइराला स्वास्थ्य विज्ञान प्रतिष्‍ठान शुद्धिकरण अभियानले माईतीघरमा प्रदर्शन गरेको&nb…

विराटनगर महानगर सभापतिमा चार प्रतिष्पर्धी, ७१ सदस्य निर्विरोध

बाबुराम भण्डारी | असोज १६, २०७८

विराटनगर- नेपाली कांग्रेस विराटनगर महानगर सभापतिमा चार जनाबीच आज निर्वाचन हुँदैछ । दीपक चापागाईं, सन्त…