कोरोनाले श्रीमान्-श्रीमतीको एकै दिन मृत्यु

इकागज | असार २५, २०७८

मङ्गलबारे : कोरोना सङ्क्रमणका कारण इलाममा एकै दिन श्रीमान् श्रीमतीको मृत्यु भएको छ । माङसेबुङ गाउँपालिका-५ का ७९ वर्षीय टेकबहादुर लावती र उहाँकी श्रीमती ७३ वर्षीया लक्षीहाङमा लावतीको मृत्यु भएको हो ।

श्रीमान् टेकबहादुरको बिहीबार बिहान र श्रीमती लक्षीहाङमाको दिउँसो साढे ३ बजे निधन भएको हो । लावती परिवारका सात जनामा कोरोना सङ्क्रमण पुष्टि भएकामा दुई जनाको निधन भएको हो । एकै परिवारका दुईको निधन भएसँगै गाउँमा निकै त्रास फैलिएको छ । स्थानीय रेडियो माङ्सेबुङका स्टेशन मेनेजर रहेका छोरा सुमन लावतीसमेत भाइरस सङ्क्रमणका कारण होमआइसोलेशनमा छन् । 

६ दिनअघि उनीहरूलाई सङ्क्रमण पुष्टि भएको थियो । सङ्क्रमित सबै होमआइसोलेशनमा थिए । मृतक दम्पतीका दुई छोरा, एक बुहारी र दुई नाति कोरोना सङ्क्रमित रहेको बताइएको छ । स्थानीयवासी राम योङहाङका अनुसार परिवारका अन्य सदस्यको अवस्था भने सामान्य रहेको छ । 

इलाममा बिहीबार थप २२ जनामा कोरोना सङ्क्रमण देखिएको छ । यससँगै जिल्लामा सङ्क्रमितको सङ्ख्या दुई हजार १४४ पुगेको छ । सङ्क्रमितमध्ये एक हजार ७२१ जना निको भइसकेका छन् भने ५२ जनाको यसअघि नै निधन भइसकेको थियो । जिल्लाभर ३७१ सङ्क्रमित उपचाररत रहेको जिल्ला प्रशासन कार्यालय इलामले जनाएको छ ।

दश स्थानीय तह रहेको इलाममा सबैभन्दा बढी इलाम नगरपालिकामा ६७५ सङ्क्रमित छन् भने सबैभन्दा कम फाकफोकथुम गाउँपालिकामा ५५ जना मात्र सङ्क्रमित रहेका छन् । हाल गाउँगाउँमा सङ्क्रमण बढ्दै गएपछि जिल्लावासी त्रसित बन्दै गएका छन् । सवारी सञ्चालन र लकडाउन खुकुलो भएसँगै आवतजावत वृद्धि भएपछि सङ्क्रमण बढ्न थालेको हो । रासस

प्रदेश १ सभाको अवरोध हट्यो, मन्त्रीले बोलेको रेकर्डबाट हटाएपछि बैठक सुरु

इकागज | असार २२, २०७८

विराटनगर : मन्त्रीले बोलेको रेकर्ड हटाउने भएपछि लामो समयदेखि अवरुद्ध भएको प्रदेश १ को प्रदेशसभा बैठक मंगल…

३० हजार घुससहित पुनर्निर्माण प्राधिकरणका सव–इन्जिनियर पक्राउ

इकागज | असार २०, २०७८

काठमाडौँ : अख्तियार दुरुपयोग अनुसन्धान आयोगले राष्ट्रिय पुनर्निर्माण प्राधिकरण ओखलढुंगामा कार्यरत सव&n…

वीपी स्वास्थ्य विज्ञान प्रतिष्ठानका पदाधिकारीविरुद्ध चिकित्सक र विद्यार्थीको प्रदर्शन

इकागज | असार २०, २०७८

काठमाडौँ : विपी कोइराला स्वास्थ्य विज्ञान प्रतिष्ठानका विद्यार्थीले ‘प्रतिष्ठान शुद्धिकरण अभियान’ …

वर्षाले घर भत्किँदा एकको मृत्यु, सडक अवरुद्ध, सतर्कता अपनाउन प्रशासनको आग्रह

इकागज | असार १८, २०७८

खोटाङ : खोटाङमा तीन दिनदेखि लगातार परिरहेको वर्षाले मुण्डाघर भत्किँदा एक बालकको मृत्यु भएको छ । बाँस र …

वीपी कोभिड उपचार केन्द्रमा स्वास्थ्य सामाग्री खरिद गर्दा डेढ करोड घोटाला

अतिन आचार्य | असार १७, २०७८

काठमाडौँ : धरानस्थित वीपी कोइराला विज्ञान प्रतिष्ठानले कोभिड उपचार केन्द्रका लागि स्वास्थ्य सामग्री खरिद गर्दा…

व्यक्तिगत स्वार्थमा डुबेको प्रतिष्ठानलाई आन्दोलनले निकास दिन्छ : उपकुलपति गिरी

इकागज | असार १६, २०७८

काठमाडौँ : वीपी कोइराला स्वास्थ्य विज्ञान प्रतिष्ठानका उपकुलपति प्रा. डा ज्ञानेन्द्र गिरीले व्यक्तिगत स्वार्थमा ल…