बागलुङमा सरकारी सवारीको दुरुपयोग बढ्दो

इकागज | कात्तिक १३, २०८०

गलकोट- बागलुङ जिल्लामा सरकारी सवारीको दुरुपयोग बढ्न थालेको छ । जिल्ला ट्राफिक कार्यालय बागलुङले सरकारी सवारीको दुरुपयोग बढेपछि धमाधम कारबाहीको दायरामा ल्याउन थालेको हो । 

जिल्लामा सार्वजनिक बिदाको दिन सम्बन्धित निकायबाट अनुमति नलिई सरकारी सवारी साधन प्रयोग हुन थालेपछि ट्राफिक प्रहरीले सक्रियताका साथ कारबाही गर्न थालेको छ । असोजभर परेको तीन दिनको सार्वजनिक बिदाको समयमा १६ सरकारी सवारी साधन कारबाहीमा परेको जिल्ला ट्राफिक कार्यालय बागलुङले जनाएको छ । जिल्लामा असोज महिनादेखि सरकारी सवारीको जाँचमा कडाइ गरिएको हो ।  

सरकारी सवारी लिएर पर्यटकीय स्थल हिँडेको, घुम्न हिँडेको र बिनाकाममा सरकारी सवारीको प्रयोग बढेपछि कारबाही गर्न थालिएको छ । स्थानीय तहका सरकारी सवारी बढी दुरुपयोग भएको प्रहरीको भनाइ छ । 

असोज महिनाको तीन दिनमा मात्रै १६ सरकारी सवारी मोटरसाइकल र जीपलाई नियन्त्रणमा लिएर कारबाही गरिएको जिल्ला ट्राफिक कार्यालय बागलुङका प्रमुख वरिष्ठ प्रहरी सहायक निरीक्षक मीनबहादुर खड्काले जानकारी दिए । 

खड्काले असोजको ३, असोजको ६ र असोजको २० गते मात्रै १६ वटा सरकारी सवारीलाई नियन्त्रणमा लिएर कारबाही गरेको बताए । जसमध्ये तीन वटा जीप र १४ वटा मोटरसाइकल रहेका छन् । तीन दिनको सार्वजनिक बिदाको दिनमा सरकारी सवारीको कारबाहीबाट तीन दिनमै रु १६ हजार राजस्व सङ्कलन भएको छ ।

'सरकारी सवारी दुरुपायोग बढ्न थालेपछि सार्वजनिक बिदाको समयमा ठाउँ-ठाउँमा सरकारी सवारीको जाँच गर्दै आएका छौं, खासगरी दसैँ सुरु भएपछि बढी सरकारी सवारीको दुरुपयोग भएको भन्ने गुनासो आएपछि होल्ड गर्न थालिएको छ,' ट्राफिक प्रहरी प्रमुख खड्काले भने, 'जिल्ला प्रशासनको अनुमतिबिना सञ्चालनमा आएका सरकारी सवारीलाई होल्ड गरेर रु एक हजार जरिवाना गरिएको छ, यो अभियानले आगामी दिनमा निरन्तरता पाउने छ ।'

खड्काका अनुसार अन्य समयमा सार्वजनिक र निजी सवारीको जाँच बढाए पनि सार्वजनिक बिदाको समयमा सरकारी साधन लक्षित जाँच गरिँदै आइएको छ । बागलुङ बजारको मुख्य प्रवेशद्वारमा सार्वजनिक बिदाको दिन अनुमतिबिनै प्रवेश गर्न खोजेका दर्जनौँ सवारीलाई गन्तव्यमा पुग्न रोक लगाएर फर्काइएको छ । 

अनुमतिबिना जिल्लामा सरकारी सवारी प्रवेश गर्न नदिएपछि प्रवेशद्वारबाटै फर्काइएको ट्राफिक प्रहरीको भनाइ छ । पछिल्लो समय धार्मिक पर्यटकीय स्थल, होटल तथा रेष्टुरामा बिदाको समयमा सरकारी सवारी देखिन थालेपछि ट्राफिक प्रहरीले कारबाहीलाई तीव्रता दिन थालेको हो । रासस 

फिर्के खोलाका संरचना हटाउन पोखरा महानगरको ३५ दिने सूचना, डाेजर लगाउने चेतावनी

धनबहादुर गुरुङ | कात्तिक ११, २०८०

पोखरा ।  पोखरा महानगरपालिकाको ८ वटा वडा छोएर बग्ने फिर्के खोला अतिक्रमणको चपेटामा छ । फिर्के खोल...

हटेन् अझै गोठमा सुत्केरी हुने चलन : स्वास्थ्य संस्था नपुग्दै बित्छ सुत्केरीको ज्यान

इकागज | कात्तिक १०, २०८०

बलेवा (बागलुङ)- तेस्रो सन्तान कोखमा रहेको थाहा पाएदेखि नै रिता रोका स्वास्थ्यचौकी पुगिरहन्थिन् । उनलाई न...

बझाङ साइपालका पूर्व गाउँपालिका अध्यक्ष पोखरामा च्याङ्ग्रा बेच्दै

धनबहादुर गुरुङ | कात्तिक ५, २०८०

पोखरा- पोखराको सिमपानी, जौबारी, हेमजा क्षेत्रमा यति बेला भेडा च्याङ्ग्राको बथान मात्र भेटिन्छ । ग्रा...