‘मन्त्री पदबाट मेरो बर्खास्तीको कारण नेतृत्वसँग सोध्छु’: कुमार खड्का

धनबहादुर गुरुङ | कात्तिक ३०, २०७९

पोखरा । गण्डकी प्रदेश सरकारमा निर्वाचनको समयमा एकपछि अर्को मन्त्री बर्खास्तीमा परिरहेका छन् । निर्वाचन प्रचारप्रसार कै क्रममा कात्तिक २२ गते उर्जा, जलस्रोत तथा खानेपानी मन्त्री हरिशरण आचार्यलाई बर्खास्त गरिएको थियो । 

आचार्यलाई निर्वाचनका समयमा गठबन्धनलाई सहयोग नगरेको आरोपमा हटाइएको थियो । उनी बर्खास्तीमा परेको एक हप्ता पछि मंगलबार फेरि अर्को मन्त्री बर्खास्तमा परेका छन् । गण्डकी प्रदेश सरकारका प्रवक्ता समेत रहेका यातायात व्यवस्थामन्त्री कुमार खड्कालाई मुख्यमन्त्री कृष्णचन्द्र नेपाली पोखरेलले बर्खास्त गरेका हुन् । 

पार्टीका उम्मेदवारलाई असहयोग गरेको आरोपमा मन्त्री खड्का बर्खास्तीमा परेका बताईएको छ । कास्की क्षेत्र नम्बर २ (ख) बाट कांग्रेसका उम्मेदवार एवं कानुन, सञ्चार तथा प्रदेशसभा मामिला मन्त्री विन्दुकुमार थापालाई चुनावमा असहयोग गरेको आरोप उनी माथि छ । थापा र खड्का कास्की २(ख) को उम्मेदवार रेसमा थिए । अन्त्यमा थापाले टिकट पाएका थिए । 

चुनावी घरदैलो र कोणसभाहरुमा समेत उनी उपस्थित नभएपछि उनीविरुद्ध पार्टी केन्द्रीय समितिमा मौखिक उजुरी पुगेको बताइएको छ । यी र यस्तै सूचनाका आधारमा मुख्यमन्त्री पोखरेलले उनलाई जिम्मेवारीबाट मुक्त गराएका हुन् । 

बर्खास्तीमा परेपछि खड्काले आफूलाई हटाउनुको कारण थाहा नभएको बताए । ‘म बहालवाला मन्त्री भएका कारण चुनावी प्रचारमा निर्वाचन आयोगको बन्देज थियो । त्यसैले निर्वाचनमा निस्किन सकिनँ,’ उनले भने, ‘त्यो बाध्यतालाई नबुझेर कपोकल्पित आरोपहरु लगाइएको छ ।’ उनले आफ्नो बर्खास्तीबारे केन्द्रीय नेतृत्वसँग सोधेर मात्रै निर्णय लिने बताए । ‘अहिले नै के गर्ने भन्ने निर्णयमा पुगेको छैन । मेरो बर्खास्तीको कारण नेतृत्वसँग सोध्छु । केही दिनमा थाहा होला अनि निर्णय लिन्छु,’ खड्का भन्छन्, ‘जे भयो यो मिडियामार्फत् समाचार सुन्दा अनौठो र अचम्म लाग्यो ।’  

खड्का २०७८ जेठ २९ गते मन्त्रीमा नियुक्त भएका थिए । असार ११ गते शिक्षा, संस्कृति, विज्ञान तथा प्रविधि एवं सामाजिक विकास मन्त्रीको जिम्मेवारी पाएका उनी साउन ८ गते भौतिक पूर्वाधार मन्त्री बनेका हुन् । उनी गण्डकीको प्रभावशाली मन्त्रीमा गनिन्थे । 

क्षत्री समाजको राजनीति गरेर उदाएका उनी अघिल्लो निर्वाचन २०७४ सालमा तत्कालीन अखण्ड नेपाल पार्टीलाई कांग्रेसमा विलय गराएर समानुपातिक सांसद बनेका हुन् । चुनावको मुखमा मन्त्रीको बर्खास्तीले गठबन्धनलाई असर पार्न सक्ने केहीको आँकलन छ । 
 

एमाले भन्ने पार्टी केपी ओली प्रालिमा परिणत भैसक्यो : तरुणदल अध्यक्ष गुरुङ

इकागज | कात्तिक २९, २०७९

पर्वत- नेपाल तरुण दल अध्यक्ष विद्वान गुरुङले आज पर्वतको जलजलामा आयोजित तरुण भेलालाई सम्बोधन गर्दै ए...

चुनावकाे छेउमै गण्डकीका भाैतिक पूर्वाधारमन्त्री खड्का बर्खास्त

इकागज | कात्तिक २९, २०७९

पाेखरा। गण्डकी प्रदेशका भौतिक पूर्वाधार विकास मन्त्री कुमार खड्का बर्खास्त भएका छन् । मुख्यमन्त्री कृष्णच...

चासोमा गण्डकीकाे चुनाव : प्रधानमन्त्रीदेखि प्रदेशका मुख्यमन्त्रीको चर्चा

इकागज | कात्तिक २९, २०७९

गण्डकी । विभिन्न दलका शीर्ष नेता उम्मेदवार रहेको गण्डकी प्रदेशमा यतिखेर नजिकिँदो निर्वाचनले चहलपहल बढाएक...

बुद्ध एयरले पोखरा अन्तर्राष्ट्रिय विमानस्थलबाट उडान भर्दै

धनबहादुर गुरुङ | कात्तिक २८, २०७९

पोखरा- नेपाल नागरिक उड्डयन प्राधिकरण (क्यान)ले १ जनवरी २०२३ देखि पोखरा विमानस्थलबाट अन्तर्राष्ट्रिय ...

बागलुङ १ : केसीलाई पछि पार्दै संसद्‍मा दोहोरिने दाउमा पाठक

इकागज | कात्तिक २८, २०७९

गलकोट- बागलुङ क्षेत्र नम्बर १ प्रतिनिधिसभाको निर्वाचनमा एउटा नयाँ रोचक प्रतिष्पर्धा हुँदैछ । यो निर्वाचन प...

घरदैलाेमा आएका नेतालाई विचौरका मतदाता भन्छन् : गाउँकाे विकास गर्ने नेता चाहियाे

इकागज | कात्तिक २६, २०७९

लमजुङ- लोकतान्त्रिक वाम गठबन्धनको तर्फबाट लमजुङको प्रदेश सभा 'क' का उम्मेदवार डा. टकराज गु...

व्यवस्थामा होइन विकासमा परिवर्तन चाहन्छन् मतदाता

धनबहादुर गुरुङ | कात्तिक २५, २०७९

पोखरा- मुलुकमा दोस्रो जनआन्दोलनमार्फत राजनीतिक व्यवस्था परिवर्तन भए पनि सर्वसाधारणको अवस्थामा भने कु...