जाजरकोट- अभिनेता पल शाहको पहलकदमीमा जाजरकोटका विद्यार्थीलाई ज्याकेट वितरण गरिएको छ । 

हाम्रो टिम नेपालमार्फत जाजरकोटमा शाहका समेत पहलकदमीमा सो विद्यार्थीहरूलाई ज्याकेट वितरण गरिएको हो । 

‘जाजरकोट जिल्ला जुनिचादे गाउँपालिका- ९ श्री आदर्श प्राविका २०३ विद्यार्थीलाई ज्याकेट वितरण गरेका छौँ, सहयोगी सम्पूर्ण मनहरूलाई धन्यवाद,’ अभिनेता शाहले भने ।

तर, जाजरकोट लैजाने क्रममा हराएको ४६ पिस ज्याकेटको बोरा अहिलेसम्म नभेटेको उनले जानकारी दिएका छन् । उक्त बोरा फेला पार्नेलाई १५ हजार पुरस्कार दिने अभिनेता शाहले घोषणा गरेका छन् ।