बजेट पुस्तिकामा प्रदेशको नाम सच्याउन सभामुखको निर्देशन

काठमाडौँ– सभामुख देवराज घिमिरेले बजेट पुस्तिकाहरूमा प्रदेशको नाम राख्न सरकारलाई निर्देशन दिएका छन् । दलका प्रतिनिधिसँग छलफल गरेपछि पुनः सुरु भएको संसद् बैठकमा सभामुख घिमिरेले मन्त्रालयगत कार्यक्रम समावेश पुस्तिकामा प्रदेशको नाम राख्न निर्देशन दिए । समाभुखको निर्देशनसँगै स्थगित बैठक फेरि सुरु भएको छ । 

उनले प्रदेशहरूको नाम प्रदेशसभाबाट पारित भएकाले नाम उल्लेख गर्नुपर्ने बताए । 

शहरी विकास मन्त्रालयको पुस्तिकामा लुम्बिनी प्रदेशको नाम समावेश नभएपछि एमालेले नियमापत्ति गरेको थियो । एमालेले नसच्याउँदासम्म बैठक अगाडि बढ्न नदिने अडान लियो । त्यसपछि बैठक १५ मिनेटका लागि स्थगित भएको थियो ।