रेल सेवा सञ्चालन गर्नेबारेमा सरकार सकारात्मक छ : प्रचण्ड

काठमाडौँ–प्रधानमन्त्री पुष्पकमल दाहाल प्रचण्डले रेल सेवा सञ्चालन गर्नेबारे सरकार सकारात्मक रहेको बताएका छन् ।

शुक्रबार प्रतिनिधिसभामा प्रधानमन्त्रीसँगका प्रश्नोत्तरका क्रममा सांसदहरूको प्रश्नको जवाफ दिँदै उनले यस्तो बताएका हुन् । 

‘सरकारले राष्ट्रिय गौरवका आयोजनामा बजेट सुनिश्चित गर्ने गरेको  छ,’ उनले भने, ‘राष्ट्रिय गौरवका आयोजना हरूमा विनियोजित रकम कम हुने अवस्थामा पनि आवश्यकता अनुसार थप बजेटको व्यवस्था गर्ने गरिएको  छ । निजगढ विमानस्थल आगामी आर्थिक वर्षमा साइट क्लियरेन्स गर्ने कार्य सम्पन्न गर्ने कुरामा सरकारको गहिरो ध्यान छ । रेल सेवा सञ्चालन गर्नेबारेमा सरकार सकारात्मक रहेको छ ।’