श्रीलंकाको ब्लुमफिल्डविरुद्ध नेपाल १९७ रनमै अलआउट

काठमाडौँ- श्रीलंकामा रहेको नेपाली क्रिकेट टिम श्रीलंकाको स्थानीय क्लब ब्लुमफिल्डविरुद्ध १ सय ९७ रनमै अलआउट भएको छ ।

ब्लुमफिल्ड क्रिकेट क्लब ग्राउन्डमा टस जितेर पहिले ब्याटिङ गरेको नेपालले ४३ ओभर ४ बलमा सबै विकेट गुमाउन पुग्यो । खेल ४५ ओभरमा सिमित गरिएको छ।

नेपालका लागि अर्जुन साउदले सर्वाधिक ७९ रन बनाए । सन्दीप जोराले ३१, देव खनालले २२, प्रतिश जिसीले १६ तथा करण केसी र सोमपाल कामीले समान ११-११ रन बनाए । पवन सर्राफले १० रन जोडे ।

ब्लुमफिल्डका लागि मलिन्डा परेरा, दिनेश सामाराविरा, निमेश थारीडु र ए वानिनायाकेले २-२ विकेट हात पारे ।