सिन्धुलीमा भएको सवारी दुर्घटनामा ११ जना घाइते

सिन्धुली- सिन्धुली गोलान्जोर गाउँपालिका-७ स्तिथ सुनकोशी मरीन डाइभर्सन क्षेत्रमा सवारी दुर्घटना भएको छ । बिहान ११:४० बजे सर्लाहीबाट काठमाडौँतर्फ आउँदै गरेको विङ्‌गर अनियन्त्रित भई दुर्घटना भएको हो।

गाडी सडकबाट अन्दाजी ३० मिटर तल खसेर दुर्घटना हुँदा गाडीमा सवार ११ जना घाइते भएका छन् ।

विपद् व्यवस्थापन सुरक्षा बेश खुर्कोटबाट खटिएको सशस्त्र प्रहरी र नेपाल प्रहरीको संयुक्त टोलीले उनीहरूको तत्कालै उद्धार गरी उपचारको लागि शुभ जीवन अस्पताल खुर्कोटतर्फ पठाएको छ ।