बालाजुमा एटीएम फुटाउँँदै गर्दा रौतहटका राधेश्याम पक्राउ

तस्विरः फाइल फोटो

काठमाडौँ- बालाजु चोकमा एटीएम फुटाउने क्रममा एक व्यक्ति पक्राउ परेका छन् । काठमाडौंँ महानगरपालिका-१६ को बालाजुमा एटीएम फुटाउने क्रममा रौतहटको यमुनामाई गाउँपालिका–१ घर भई हाल काठमाडौँ-१४ कलंकी बस्ने वर्ष १८ को राधेश्याम बैठालाई प्रहरीले पक्राउ गरेको हो ।

उनलाई प्रहरीले एटीएम फुटाउन प्रयोग गरेको फलामको रडसहित पक्राउ गरेको हो ।

आइतबार (साउन १३ गते) अन्दाजी २ः४४ बजेको समयमा बालाजु चोकस्थित माछापुच्छ्रे बैंक लिमिटेडको एटीएम फुटाउँदै गर्दा उनी समातिएका हुन् ।

खबर प्राप्त हुनासाथ तत्काल उक्त स्थानमा प्रहरी टोली पुगेको काठमाडौँ प्रहरी परिसरले जनाएको छ ।