सेनाले खुलायो जागिर

काठमाडौँ- नेपाली सेनाले अधिकृत पद (सहायक सेनानी/उपसेनानी)मा भर्ना खुलाएको छ । शुक्रबार एक सूचना जारी गर्दै जंगीअड्डाले भर्ना खुलाएको हो ।

सेनाले खुलातर्फ १४७, महिला २४, आदिवासी जनजाती कोटा ३८, मधेशी कोटा ३३, दलित कोटा १८ र पिछडिएको क्षेत्रका लागि ६ जनाका लागि भर्ना खुलेको छ ।

सैनिक तालिम वा कर्तव्य पालनाको सिलसिलामा मृत्यु भएका वा शारीरिक रुपमा अशक्त नेपाली सैनिकका सन्ततीका लागि १४ सिट छुट्याइएको छ । 

भदौ ७ गतेदेखि असोज ५ गतेसम्म दरखास्त दिने म्याद रहेको छ । त्यसैगरी असोज ६ गतेदेखि १२ गतेस्मम दोब्बर दस्तुर तिरेर दरखास्त बुझाउन सकिने सूचनामा उल्लेख छ ।