'हरिबहादुरको जुत्ता' मा अभिनेत्री स्वस्तिमा अनुबन्ध

काठमाडौँ - अभिनेता हरिवंश आचार्यले  चर्चित सिरियल ‘मदनबहादुर-हरिबहादुर’ मा निर्वाह गरेको हरिबहादुरको चरित्रमा आधारित भएर बन्न लागेको फिल्म ‘हरिबहादुरको जुत्ता’मा अभिनेत्री स्वस्तिमा खड्का भित्रिएकी छन् । 

शुक्रबार निर्माता सरोज ओलीले स्वस्तिमासँग कागजी सम्झौता गरेको जानकारी दिएका छन् । हरिवंशकै शीर्ष भूमिका रहेको यस फिल्ममा गायक प्रकाश सपूतको पनि अभिनय हुने बताइएको छ । 

हरिवंशसँग स्वस्तिमाले पहिलोपटक फिल्ममा काम गर्न लागेकी हुन् । यसअघि म्यूजिक भिडियो ‘कर्कलो कोक्याउला’मा भने उनीहरुको सहकार्य भइसकेको छ । त्यस्तै, प्रकाशसँग स्वस्तिमाको फिल्ममा यो दोस्रो सहकार्य हुनेछ । हाल स्वस्तिमा प्रकाशकै अभिनय तथा निर्देशनमा बनिरहेको फिल्म ‘वसन्त’को छायांकनमा व्यस्त छन् । 

फिल्ममा पटकथा तथा संवाद हरिवंश आचार्य स्वयंको रहेको छ भने फिल्मको निर्देशक दीपेन्द्र के. खनालले गर्दै छन् ।