बजारमा हुन्डाईको क्रेटा ईभी र मेड इन नेफाल क्रेटा आईसीईको मूल्य कति पर्छ ?

काठमाडौँ- हुन्डाई गाडीको आधिकारिक वितरक लक्ष्मी इन्टरकन्टिनेन्टलले त्रेटा ईभी र मेड इन नेपाल क्रेटा आईसीई सार्वजनिक गरेको छ । राजधानीमा सोमबार आयोजित एक समारोहबीच कम्पनीले उक्त दुई गाडी सार्वजनिक गरियो ।

नेपाली ग्राहकको आवश्यकताअनुसार क्रेटा इलेक्ट्रिक र आईसीई दुवै मोडलमा उपलब्ध गराइएको कम्पनीले जनाएको छ । क्रेटा ईभीको प्रारम्झिक मूल्य ५१ लाख ९६ हजार र त्रेटा आईसीई ५३ लाख ९६ हजार रुपैयाँ छ । उक्त मूल्य सन् २०२५ मा नेपालमा आयात गरिने आईसीई मोडलको तुलनामा करिब ९ लाख रुपैयाँसम्म कम रहेको कम्पनीले बताएको छ । यी दुवै मोडलमा आकर्षक डिजाइन, उत्कृष्ट प्रदर्शन र आरामदायी यात्राको अनुभव गर्ने विशेषता रहेको कम्पनीको दाबी छ ।

क्रेटा ईभीमा २ सय एमएम ग्राउन्ड क्लियरेन्स, १७ डिग्री ब्रेक ओभर एंगल, ११ किलोवाट एसी चार्जिङ, चार घण्टामा पूरै चार्ज गर्न सकिने, एड्भान्स सेफ्टी फिचर, ६ वटा एयर ब्याग र ३६० डिग्री क्यामेरा जस्ता विशेषता रहेको कम्पनीले बताएको छ । उक्त अवसरमा नेपालका लागि दक्षिण कोरियाली राजदूत पार्क ते यङको पनि विशेष उपस्थिति थियो ।