लोरेन्सको नाम लिएर फिरौती रकम माग्ने पक्राउ

बाँके- सामाजिक सञ्‍जाल ह्वाट्सएपको प्रयोग गरी ५ करोड भारतीय रूपैयाँ फिरौती रकम माग गर्ने पक्राउ परेका छन् ।

सो अभियोगमा कोहलपुर नगरपालिका–५ डेरा गरी बस्ने सुर्खेत भेरी गंगा नगरपालिका(७ काठेघारी घर भएका ४१ वर्षीय राम बहादुर बुढा क्षेत्रीलाई प्रहरीले पक्राउ गरेको हो ।

रामबहादुरले विभिन्न विदेशी नम्बरको ह्वाट्स एप खोली आफु लोरेन्स बिस्नोई र अनमोल बिस्नोई हो भनि म्यासेज गरी उक्त रकम माग गरेको र उक्त रकम नदिएमा जे पनि हुन सक्ने भनि धम्काउने गरेको भन्ने सूचनाको आधारमा इलाका प्रहरी कार्यालय कोहलपुरबाट खटिएको प्रहरीले उनलाई पक्राउ गरेको हो ।       

यस सम्बन्धमा प्रहरीले आवश्यक अनुसन्धान गरिरहेको छ ।