शिक्षकहरूको आन्दोलन अब बिहान ९ बजेदेखि १२ बजेसम्म

काठमाडौँ- नेपाल शिक्षक महासंघले आइतबार आन्दोलनको समय परिवर्तन गरेको छ । शनिबार बसेको बैठकपछि शिक्षक महासंघले आन्दोलनको समय परिवर्तन गरेको हो ।

'हामीले जुलुस र विरोधको समय आइतबारका लागि परिर्वतन गरेका छौँ' महासंघका अध्यक्ष लक्ष्मी किशोर सुवेदीले भने । उनका अनुसार आइतबार बिहान ९ बजेदेखि १२ बजेसम्म कार्यक्रम हुनेछ । यसअघि आन्दोलनको कार्यक्रम दिउँसो १२ बजेदेखि ४ बजेसम्म हुने गरेको थियो ।

१८ दिनदेखि विभिन्न माग राखेर शिक्षकहरूले माइतीघरदेखि बानेश्वरसम्म आन्दोलन गरिरहेका छन् ।

शिक्षक आन्दोलनले आइतबार कार्यालय जानेहरूलाई प्रभावित गर्नेछ ।