यु–१६ सुदूरपश्चिम छनोटः कैलालीको लगातार दोस्रो जित

बैतडी- एसिसी मेन्स यु–१६ इस्ट जोन कप–२०२५ को सुदूरपश्चिम छनोटमा कैलालीले लगातार दोस्रो जित निकालेको छ । पहिलो खेलमा अछाममाथि ७१ रनको जित निकालेको कैलालीले सोमबार दोस्रो खेलमा दार्चुलालाई ९४ रनले पराजित गरेको हो ।
कैलालीले दिएको एक सय ३१ रनको लक्ष्य पछ्याएको दार्चुला १६ दशमलव तीन ओभरमा ३६ रनमा अलआउट भयो । दार्चुलाका कुनै पनि ब्याटरले दोहोरो अङ्कमा रन जोड्न सकेनन् । कैलालीका रुद्रप्रसाद आचार्य पाँच विकेट लिँदै प्लेयर अफ द म्याच चुनिएका स्कोरर नुरेन अन्सारीले बताएका छन् ।
यसअघि पहिला ब्याटिङ गरेको कैलालीले निर्धारित २० ओभरमा छ विकेटको क्षतिमा एक सय ३० रन बनायो । जसमा अविरल विकले अर्धशतकीय पारी खेल्दै ५३ रनमा नटआउट रहे । दार्चुलाका रोशन मिश्र र पुरषोत्तम रावलले दुई–दुई विकेट हात पारे । दार्चुलाको यो दोस्रो हार हो । यो हारले दार्चुला बाहिरिएको छ । कैलालीले भने फाइनलका लागि दाबी पेस गरेको छ ।
यसैबीच सोमबार हुने भनिएको अछाम र कञ्चनपुरबीचको खेल वर्षाका कारण रद्द भएको छ । खेल रद्द भएपछि दुवै टोलीले अङ्क बाँडेका छन् । आज हुने कैलाली र कञ्चनपुरबीचको खेलले फाइनलमा पुग्ने टोलीको टुङ्गो लाग्ने छ ।
सुदूरपश्चिम प्रादेशिक क्रिकेट सङ्घको आयोजना जेठ ८ देखि सुरु भएको प्रतियोगितामा नेपाल क्रिकेट सङ्घमा आबद्ध सुदूरपश्चिमका आठ जिल्लाको सहभागिता छ । छनोट प्रतियोगितामा उत्कृष्ट प्रदर्शन गर्ने खेलाडीलाई प्रदेशको टोलीमा समावेश गरिने सुदूरपश्चिम प्रादेशिक क्रिकेट सङ्घका प्रशिक्षक दीपेन्द्रबहादुर चन्दले जनाएका छन् ।
एसियन क्रिकेट काउन्सिलको कार्यक्रमअनुसार नेपाल क्रिकेट सङ्घले एसिसी मेन्स यु–१६ इस्ट जोन कपको छनोटका लागि यही महिना राष्ट्रिय प्रतियोगिता गर्दैछ ।

कैलालीमा नक्षत्र वाटिका

भीरबाट लडेर महिलाको मृत्यु
_0Q0VUv201A_kvt31x87ukqaspt0vuudke45gt9vmpatmrq9ftfj2i8m6kiog2bq3yjrovlf_AFNUDpsKj6_15if3eshn3xxhedwwlg1hta5ucdhylnbxyernldnltz7aqcrujv0uuzzmnww_uYo6SbrWTv_rumxl2apwoyuvflfztwpvdgjc9ydofrmgqonrriyntgyhlvgnyzoem7wzd7a_htbscOYam3_lbhrjdthtfl1mzmhm7x8kogur1u27grexrt0tph9koshzgkpdbphsc5rgu2t.jpg)
बाढीको जोखिममा रहेका घरमा रातो झण्डा

पुर्ख्यौली सीप बोकेका गङ्गाराम भन्छन्- आत्मनिर्भर हुनका लागि मेसिन अनुदानमा पाउ…

कैलालीमा सुत्केरी मृत फेला

ढुङ्गा लागेर घाइते प्रहरी जवानको उपचारका क्रममा मृत्यु

सुर्नयामा ठेउला सङ्क्रमणबाट बालबालिका प्रभावित

प्रतिक्रिया