एमजी मोटर्स नेपालले ग्राहकहरूलाई सस्तो र सुलभ स्पेयर पार्ट्स उपलब्ध गराउँदै

काठमाडौँ- एमजी मोटर्स नेपालले को अधिकृत आयातक तथा वितरक Paramount Motors Pvt. Ltd. ले आफ्ना ग्राहकहरूको लागि उत्कृष्ट After-Sales सेवा प्रदान गर्ने प्रतिबद्धता पुनः दोहोर्याएको छ। यसरी कम्पनीले १०० भन्दा बढी स्पेयर पार्ट्सहरूको मूल्य औसत ३०% ले घटाएर MG का सबै ग्राहकहरूलाई सस्तो र सहज सेवा उपलब्ध गराउने घोषणा गरेको छ।

विश्वास र गुणस्तर मा आधारित ब्रान्डको रूपमा MG Motors Nepal ले आफ्ना ग्राहकहरूको बढ्दो अपेक्षा – सहज र किफायती स्वामित्व अनुभव – पूरा गर्ने प्रयास गर्दै आएको छ। यसै उद्देश्यका साथ Paramount Motors ले आफ्नो लजिस्टिक्स प्रक्रिया पुनरावलोकन गरी MG को आपूर्ति श्रृंखलासँग समन्वय गरेर खर्च घटाएको छ र यसको फाइदा सीधा ग्राहकहरूलाई पुर्याएको छ।

यसैगरी, MG Motors Nepal ले सेवा पहुँचलाई राष्ट्रव्यापी बनाउन निरन्तर लगानी गर्दै आएको छ। काठमाडौँ उपत्यकामा ३ वटा पूर्ण-सुविधायुक्त सेवा केन्द्र र देशभर फैलिएको डिलरशिप नेटवर्कमा १२ भन्दा बढी अतिरिक्त सेवा केन्द्रहरू को साथ कम्पनीले ग्राहकहरूलाई अद्वितीय सहजता र सहयोग प्रदान गर्दै आएको छ।

"MG Motors Nepal मा, हाम्रा ग्राहकहरूको विश्वासले नै हाम्रो निर्णयहरूलाई मार्गदर्शन गर्छ," Paramount Motors Pvt. Ltd. का प्रवक्ताले भने। "हामीले स्पेयर पार्ट्सको मूल्य घटाउनु र सेवा पहुँच विस्तार गर्नु केवल ग्राहकहरूको अपेक्षा पूरा गर्ने मात्र होइन, तर यसलाई अझै बढाउने प्रयास हो। यो केवल सुरुवात हो र हामी अझै थप लागत घटाएर स्पेयर पार्ट्सको मूल्यमा संशोधन गर्न निरन्तर प्रयासरत छौं।"

MG Motors Nepal ले अत्याधुनिक प्रविधि र विश्वसनीयता लाई संयोजन गर्दै ग्राहकहरूको हरेक यात्रालाई सहज सेवा र उत्कृष्ट मूल्य प्रदान गर्न प्रतिबद्ध छ।