एसीसी यू १६ इस्ट जोन कप : मलेसियालाई हराउँदै नेपाल फाइनलमा

काठमाडौँ- नेपाल एसीसी यू-१६ इस्ट जोन कपको फाइनलमा प्रवेश गरेको छ । बिहीबार भएको सेमिफाइनलमा मलेसियालाई ९ विकेटले हराउँदै नेपाल फाइनलमा पुगेको हो ।

टस हारेर पहिले ब्याटिङको निम्तो पाएको मलेसिया ९० रनमा अलआउट भयो । मलेसियाले दिएको ९१ रनको लक्ष्य नेपालले ११.४ ओभरमा १ विकेटको क्षतिमा पूरा गर्‍यो । 

जसमा परिमार्जन यादव ५९ रनमा नटआउट भए । शिवांश बजगाईंले २३ रन बनाए ।