रसुवा बाढी : कति छन् बेपत्ता ?

काठमाडौँ- चीनबाट आएको बाढीमा परेर रसुवामा कम्तिमा १८ जना बेपत्ता भएका छन् । गएराति सवा ३ बजे आएको बाढीले १८ जना बेपत्ता भएका हुन् ।

बेपत्ता हुनेहरूमा १० नेपाली नागरिक र ८ चिनियाँ नागरिक रहेका छन् । नेपालीमध्ये ३ जना प्रहरी रहेका छन् ।

त्यस्तै बाढीले नेपाल–चीन जोड्ने मितेरी पुल बगाएको छ । पुल बगाउँदा रसुवा हुँदै चीनसम्मको मार्ग विच्छेद भएको छ ।

त्यस्तै भन्सारको यार्ड (ड्राइपोट) मा रहेका गाडी पनि अधिकांश बाढीले रसुवाका प्रमुख जिल्ला अधिकारी अर्जुन पौडेलले बताए ।

बाटो नभएका कारण स्याब्रुबेसीबाट अगाडि जाने ठाउँ नभएको रसुवा नाकाबाट काम गर्दै आएका सिन्धुपाल्चोकका व्यापारी सुरज तिमिल्सिनाले इकागजलाई बताए । उनका अनुसार पुल बगाएपछि न वारीबाट पारी जान सकिएको छ न पारीबाट वारी आउन नै सकिएको छ ।

उनका अनुसार गएराति सवा ३ बजे बाढी आएको थियो । मितेरी पुलमुनिको ठाडो खोलामा लेदो आएर क्षति गराएको हो ।

'१०० भन्दा बढी इभी गाढी बगाएको छ । १२/१५ वटा ट्रेलर बगाएको छ' तिमिल्सिनाले इकागजसँग भने 'सामान लोड भएका २०/२५ वटा कन्टेनर पनि बगाएको छ ।'

गाडि जोगाउन खोज्दा ड्राइभरहरूलाई पनि बगाएको उनले बताए । 'कतिपय घाइते अवस्थामा भेटिएको छ । कतिपयलाई बगाएको छ' तिमिल्सिनाले भने ।