गौशाला नगरपालिकाका ३१ जना प्रधानाध्यापकको राजिनामा

महोत्तरीको गौशाला नगरपालिकामा ३१ जना प्रधानध्यापकहरुले सामूहिक राजीनामा दिएका छन । सामुदायिक विद्यालयका प्रधानध्यापकहरुले नगरले शैक्षिक क्षेत्रमा  वेवास्ता गरेको आरोपमा आज नै राजीनामा दिएका हुन  ।

दिवा खाजा तथा नियमित अत्यावश्यक रकम न्यून निकासा गरेको र यथास्थितिमा शैक्षिक गुणस्तरको लागि काम गर्न नसकिने निष्कर्ष प्रधानध्यापकहरुको छ । शैक्षिक उन्नयनको लागि प्रतिवेदन पेश गर्दा पनि स्थानीय सरकारले शैक्षिक क्षेत्रलाई उपेक्षा गरेको वताउँदै आधारभूत कार्यहरु समेत गर्न नसकिएको उनीहरुले गुनासो गरेका छन ।

यता नगरले भने प्रधानध्यापकहरुले शैक्षिक क्षेत्रमा राजनिती गर्न खोजेको र त्यसलाई सफल हुन नदिने जिकिर गरेकाे छ।  नगर प्रमुख दिपेन्द्र महतोले प्रधानाध्यापकहरुले तत्काल राजीनामा फिर्ता नलिए राजिनामा स्वीकृत गरेर नया प्रक्रियामा जाने समेत चेतावनी दिएका छन् ।