मेलबर्न स्टार्ससँग पनि नेपाल निरिह, लगातार तेस्रो हार

काठमाडौँ- अस्ट्रेलियामा जारी टप एन्ड टि-ट्वान्टी सिरिजमा नेपालको लगातार तेस्रो हार भएको छ । सोमबार बिहान भएको खेलमा मेलबर्न स्टार्ससँग नेपाल पराजित भएसँगै नेपालको तेस्रो हार भएको हो ।

मेलबर्न स्टार्सले २० ओभरमा ७ विकेट गुमाउँदै जितका लागि १७६ रनको लक्ष्य दिएको थियो । तर नेपालले २० ओभरमा ७ विकेटको क्षतिमा १४४ रन मात्रै बनाउन बनायो ।

नेपालका सन्दीप लामिछानेले ३ विकेट लिए । त्यस्तै सोमपाल कामी र सहाब अलामले १/१ विकेट लिए ।

नेपालका ओपनर ब्याटर आसिफ शेखले अर्धशतक पूरा गरे । उनले ४८ बलमा आफ्नो अर्धशतक पूरा गरेका थिए । 

नेपालले यसअघि पहिलो खेलमा अस्ट्रेलियाको नर्दन टेरिटोरी स्ट्राइकसँग ४२ रनले हार व्यहोरेको थियो ।

त्यस्तै दोस्रो खेलमा बंगलादेश 'ए'सँग ३२ रनले हार व्यहोरेको थियो ।