प्रतिनिधि सभा विघटनबारे मुद्दा : संवैधानिक इजलासमा प्रधान न्यायाधीशसहित पाँच न्यायाधीशले हेर्ने

काठमाडौं : प्रतिनिधि सभा विघटनसम्बन्धी परेको रिटको सुनुवाइका लागि प्रधान न्यायाधीश चोलेन्द्र शम्शेर जबराको नेतृत्वमा संवैधानिक इजलास तय भएको छ । जसमा न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् । नेपाली राजनीतिमा संवैधानिक इजलासले के गर्ने भन्‍ने निकै चासोका साथ हेरिएको छ ।

बुधबार प्रधान न्यायाधीश जबराको एकल बेन्चले सबै रिट संवैधानिक इजलासमा पठाउन आदेश दिएको थियो । रिटको प्रकृति नै संवैधानिक इजलासमा जाने भएकाले पठाइएको सर्वोच्‍च अदालत स्रोतले जानकारी दिएको थियो । 

प्रधानमन्त्री केपी शर्मा ओलीले पुस ५ गते प्रतिनिधिसभा भंग गरी आगामी बैशाख १७ र २७ गते मध्यावधि निर्वाचन गर्न राष्ट्रपति विद्यादेवी भण्डारीलाई सिफारिस गरेका थिए । राष्ट्रपति भण्डारीले सोही दिन ओलीको सिफारिस सदर गरेकी थिइन् ।

राष्ट्रपति भण्डारी र प्रधानमन्त्री ओलीविरुध्द रिट दायर गर्नेहरुमा वरिष्ठ अधिवक्ता दिनेश त्रिपाठी, कन्चनकृष्ण न्यौपाने, लोकेन्द्रबहादुर ओलीलगायत छन् । पुस ७ गते नेकपाका सांसदहरु देव गुरुङ, कृष्णभक्त पोखरेल, शशी श्रेष्ठ र रामकुमारी झाँक्रीले पनि संसद विघटनविरुद्ध मंगलबार सर्वोच्चमा रिट दायर गरेका थिए ।

यो, पनि
- संसद विघटनविरुध्दका सबै रिटको सुनुवाइ संवैधानिक इजलासमा हुँदै
- इकागज स्कुल/इजलास : अदालती प्रक्रियाबारे अलमल छ ? पठनीय छन् यी सात प्रश्‍नोत्तर