विभाजित भएको कम्युनिष्ट पार्टी हरियो देखेर तर्सन्छ - महामन्त्री शर्मा

फाइल तस्‍बिर

काठमाडौँ - नेपाली कांग्रेसका महामन्त्री विश्वप्रकाश शर्माले आगामी निर्वाचनमा निर्वाचन चिन्ह हरियो राखेकोमा नतर्सन आग्रह गरेका छन् ।

नेकपा एमालेका अध्यक्ष केपी शर्मा ओलीले चुनाव चिन्हको रङ हरियो राखेको प्रति आपत्ति जनाएपछि चिन्हकाे रङमै आपत्ति नजनाउन उनले आग्रह गरेका हुन् ।

 नेपाली कांग्रेसले आज गरेको पत्रकार सम्मेलनमा बोल्दै उनले विभाजित भएको कम्युनिष्ट पार्टी हरियो देखेर तर्सिएको बताए । 'साउनमा के भकोले वर्षैभरि हरियो देख्छ भने झै विभाजित भएको कम्युनिष्ट पार्टी हरियो देखेर तर्सिन्छ भन्ने नयाँ उखान बजारमा छ', उनले भने । 

कांग्रेस निर्वाचनमा कसैलाई तर्साउन भन्दा पनि स्वस्थ प्रतिस्पर्धाका लागि निर्वाचनमा जाने उनको भनाइ छ ।