कांग्रेस बाराको सभापति चयनका लागि दोस्रो चरणको मतदान हुने

काठमाडौँ - नेपाली कांग्रेस बाराको जिल्ला अधिवेशनमा उम्मेदवार रहेका तीनैजनाले ५० प्रतिशत बढी मत ल्याउन नसकेपछि सभापति पदका लागि दोस्रो चरणको निर्वाचन हुने भएको छ । बुधबार भएको मतदानमा उम्मेदवार रहेका तीनै जनाले ५० प्रतिशत बढी मत ल्याउन नसकेपछि दोस्रो चरणको निर्वाचन हुने भएको हो । दोस्रो चरणको निर्वाचन शुक्रबार हुँदैछ । 

बाराको कांग्रेस सभापतिका लागि राजेश राय यादव, शम्भु बहादुर बुढथोकी र रामानन्द यादवबीच बुधबार प्रतिस्पर्धा भएको थियो । राजेश रायले ८३३, बुढाथोकीले ८०९ र रामानन्दले ७०८ मत ल्याएका थिए । रामानन्द निर्वाचनबाट बाहिरिएपछि राजेश राय र बुढाथोकीबीच प्रतिस्पर्धा हुने भएको हाे । 

राजेश राय र बुढाथोकी संस्थापन समूहका हुन् भने रामानन्द संस्थापनइतर सममूहका हुन् । रामानन्दले राजेश राय यादवलाई समर्थन गर्ने भएका छन् । यसअघि गत शनिबार भएकाे  निर्वाचनमा धाँधली भएकाे भन्दै मतपत्र जलाइएकाे थियाे ।