काठमाडौंँ- गरिमा क्यापिटल लिमिटेडको कार्यालय हात्तीसारबाट कमलपोखरी स्थित सिटी सेन्टरको अगाडि सारेको छ। बैंकले साउन ३० गते सोमबारबाट स्थानान्तरण भइ सेवा सञ्चालन गरेको हो।

गरिमा क्यापिटल लिमिटेड नेपाल धितोपत्र बोर्डबाट अनुमतिपत्र प्राप्त मर्चेन्ट बैंकर हो ।  संस्थाले हाल लगानी व्यवस्थापन सेवा तथा निक्षेप सदस्य डिम्याट तथा मेरो सेयर खाता सम्बन्धी सेवा प्रवाह गर्दै आएको छ । आवश्यक अनुमतिपत्र प्राप्त गरी मर्चेन्ट बैंकरले प्रदान गर्नसक्ने अन्य सम्पूर्ण सेवाहरू जस्तै निष्काशन तथा बिक्री प्रबन्ध, धितोपत्र प्रत्याभूति, शेयर रजिष्ट्रेसन, संस्थागत परामर्श, सामूहिक लगानी कोष, प्राइभेट इक्विटी फण्ड, भेन्चर क्यापिटल फण्ड, हेज फण्ड लगायत अन्य फण्डहरूको व्यवस्थापन सम्बन्धी सेवाहरू निकट भविष्यमा प्रदान गर्ने बैंकले जानकारी दिएको छ ।