घटना-दुर्घटना

दोलखामा पहिरोले नौ घर बगायो, ४ जना बेपत्ता, ३ को सकुसल उद्धार

इकागज | साउन १९, २०८०

दोलखा — दोलखाको गौरीशंकर गाउँपालिकामा गएको पहिरोले नौ घर बगाएको छ । गाउँपालिकाको वडा नं. ८ मा गएको पहिरोमा परी चार जना बेपत्ता रहेको वडाध्यक्ष दावा रेन्जी शेर्पाले इकागजलाई जानकारी दिए ।

उनकाअनुसार वडा नं. ८ मा रहेको टोपाटारमा ६ घर र सल्लेमा ३ घर पहिरोले बगाएको हो । टोपाटार निकै विकट गाउँ हो । वडाध्यक्षको टोली अहिले त्यसतर्फ जाँदैछ । ‘पैदल जानुपर्छ, अझै त्यहाँ पुग्न २ घण्टा लाग्छ,’ अध्यक्ष शेर्पाले टेलिफोनमा इकागजसँग भने, ‘हामीले फोनबाट पाएको जानकारी हो, त्यहाँ पुगेपछि थप क्षतिबारे जानकारी हुन्छ ।’

टोपाटारमा बस्ती माथिबाट आएको पहिरोले गएराति घर बगाएको हो । त्यहाँ स्थानीयले ३ जनालाई सकुसल उद्धार गरेका छन् । बेपत्ता र घाइतेका परिचय खुल्न नसकेको वडाध्यक्ष दावा शेर्पाले बताए । 

सल्लेमा भने बिहीबार साँझ घर बगाएको हो । अध्यक्ष शेर्पाकाअनुसा त्यहाँ घर र गोठ बगाउँमा मानवीय क्षति नभएको जानकारी आएको छ । बाख्रा र भै्रसीहरु बगाएको स्थानीयले जानकारी गराएको उनले जानकारी दिए ।  
 

सामाखुशी खोलामा खसेर बेपत्ता भएका बालकको शव ११ दिनपछि दक्षिणकालीमा भेटियो

इकागज | साउन १८, २०८०

काठमाडौं - काठमाडौंको सामाखुशी खोलामा खसेर बेपत्ता भएका बालकको शव भेटिएको छ । साउन ७ गते बेपत्ता भए...

ट्याक्टरले मोटरसाइकललाई ठक्कर दिँदा घाइते भएका प्रहरीकाे मृत्यु

इकागज | साउन १५, २०८०

कैलाली । कैलालीमा सवारी दुर्घटनामा घाइते भएका एक जनाको मृत्यु भएको छ। ट्याक्टरले मोटरसाइकललाई ठक्कर दि...