रामकुमार र शान्तिश्रीको ‘छानू’ सार्वजनिक
भदौ १८, २०७९
काठमाडौं– लोकदोहोरी गायक अमृत भारतीको शब्द तथा संगीतमा सजिएको छानू (मेलोबाबा–२) गीत सार्वजनिक भएको छ । रामकुमार नेपाली र शान्तिश्री परियारको स्वर रहेको छानू बोलको गीत सार्वजनिक गरिएको हो ।
भिडियोमा चर्चित कलाकार सागर लम्साल ‘बले’, गीता ढुंगाना र उषा उप्रेतीको मुख्य भूमिका रहेको यो गीतको विमोचन संगीतकार शम्भुजित बास्कोटाले गरे । गीतको भिडियो भारती पिक्चर्स यूट्युव च्यानलबाट सार्वजनिक गरिएको छ ।
छानू बोलको गीतलाई चर्चित गीत मेलोबाबाको दोस्रो सिरिज भनिएको छ । गीत संगीत संयोजन केशव बडुले गरेका छन् भने भिडियोलाई प्रकाश भट्टले निर्देशन गरेका छन् ।
