आमाबुवाको हत्या आरोपमा एक पक्राउ
बैशाख २३, २०७९
ताप्लेजुङ– आफ्नै आमा बुवाको हत्या आरोपमा प्रहरीले एक युवकलाई पक्राउ गरेको छ ।
खुकुरी प्रहार गरी हत्या गरेको अभियोगमा फक्ताङलुङ गाउँपालिका–६ गोटी थाङ्गा बस्ने २५ वर्षीय आइतराज लिम्बुलाई प्रहरीले पक्राउ गरेको हो ।
उनीमाथि आफ्नै बुवा ७० वर्षीय बीर्ख बहादुर लिम्बु र आमा ७२ वर्षीया थिपरानी लिम्बुको हत्या गरेको आरोप छ ।
आइतराजले आफ्नै बुवा र आमाको हत्या गरेको भन्ने खबर प्राप्त हुनासाथ प्रहरी चौकी लेलेपबाट खटिएको प्रहरीले उनलाई खुकुरी सहित पक्राउ गरेको हो ।
यस सम्बन्धमा अनुसन्धान गरिरहेको प्रहरीले जनाएको छ ।
