बैंगलुरुमाथि कोलकाताको शानदार जित
चैत १७, २०८०
काठमाडौँ- इण्डियन प्रिमियर लिग (आइपिएल) अन्तर्गत कोलकाता नाइट राइडर्सले रोयल च्यालेन्जर्स बैंगलुरुलाई ७ विकेटले पराजित गरेको छ ।
गएराति भएको खेलमा बैंगलुरुले दिएको १८३ रनको लक्ष्य कोलकाताले १६.५ ओभरमा ३ विकेट गुमाउँदै पुरा गरेको थियो ।
कोलकाताको जितमा सुनिल नारन आक्रामक ४७ र वैंकटेस अय्यरले अर्धशतक बनाएका थिए । त्यस्तै कप्तान श्रेयस अय्यरले अविजित ३९ रन बनाए भने फिल साल्टले ३० रन बनाएका थिए ।
त्यसैगरी यसअघि टस हारेर पहिला ब्याटिङ गरेको रोयल च्यालेन्जर्स बैंगलुरुले विराट कोहलीको ८३ रनको मद्दतले २० ओभरमा ६ विकेट गुमाउँदै १८२ रन बनाएको थियो ।
यो जितपछि कोलकाताले लगातार दोस्रो जित हासिल गरेको छ । त्यस्तै बैंगलुरुले तेस्रो खेलमा दोस्रो हार ब्यहोरेको छ ।
