पोखरा। नेकपा एमाले गण्डकी प्रदेशको प्रथम अधिवेशनको उद्घाटन समारोह प्रतिकूल मौसमका कारण केही ढिलो गरी सुरु भएको छ । 

पार्टी अध्यक्ष केपी शर्मा ओलीले अधिवेशन उद्घाटन गर्ने कार्यक्रम तय भएकाले प्रतिकूल मौसमका कारण उडान प्रभावित भएपछि कार्यक्रम ढिलो सुरु भएको हो ।

ओली अझै पाेखरा पुगेका छैनन् । ढिला भइसकेकाले उद्घाटन ओली आएपछि मात्रै गर्ने गरी कार्यक्रम सुरु गरिएकाे हाे । उद्घाटन नगरिए पनि मन्तव्य राख्ने कार्यक्रम सुरु गरिएकाे हाे ।

प्रदेश उपाध्यक्ष माेहन रेग्मीले स्वागत गरेर पद्मा अर्याललेसमेत मन्तव्य राखिसकेकी छन् । मन्तव्य राख्ने क्रम जारी छ ।

नेकपा एमाले गण्डकी प्रदेशका उपसचिव एवम्, प्रचारप्रचार उपसमिति संयोजक रश्मि आचार्यले अध्यक्ष ओली जहाजमा आउने भएकाले प्रतिकूल मौसमका कारण उडान रोकिँदा केही समय ढिलाई भएको बताए । 

नेकपा एमाले गण्डकीले आईतबार पत्रकार सम्मेलन गरी १२ बजे कार्यक्रम उद्घाटन गर्ने जनाएको थियो । पार्टी अध्यक्ष ओली पोखरा आउन ढिला हुने भएपछि अहिले औपचारिक कार्यक्रम अघि बढेको छ ।