सेयर बजार राताम्मे

इकागज | जेठ १७, २०७८

काठमाडौँ : आइतबार सकारात्मक संकेतका साथ बढेको नेप्से परिसूचकमा सोमबार पहिरो गएको  छ । ४५ दशमलव २५ अंकले नेप्से ओरालो लागेर २७८२.६८ बिन्दुमा पुगेको हो । 

म्युचुअल फन्डबाहेक सबै समूहका परिसूचक घटेका छन् । सबैभन्दा ठूलो गिरावट जलविद्युत् समूहमा देखिएको छ । यो समूहको परिसूचक ४.३१ प्रतिशतले घटेको छ । बैंकिङ समूहको परिसूचक पनि १.०१ प्रतिशतले घटेको छ । 

वरुण जलविद्युतको सेयर मू्ल्यमा सबैभन्दा ठूलो गिरावट आएको छ । ९.५७ प्रतिशतले घटेको यो कम्पनीको सेयर मूल्य चार सय २५ रुपैयाँ प्रति कित्ता पुगेको छ । नेपाल हाइड्रो डेभलपर्स कम्पनी, छ्यांदी हाइड्रोपावर, माउन्टेन हाइड्रो नेपाल र रिदी हाइड्रोपावरको सेयर मूल्यमा उच्च गिरावट आएको छ ।  

सेयर मूल्यमा मात्रै होइन, कारोबार पनि घटेको छ । १३ अर्ब ९० करोड रुपैयाँ सेयर किनबेच भएको छ । जबकी आइतबार १७ अर्ब रुपैयाँभन्दा बढी सेयर कारोबार भएको थियो । एक लाख ४८ हजार सात सय १५ पटकको कारोबारमा तीन करोड आठ लाख ८८ हजार छ सय ९५ कित्ता सेयर किनबेच भएको छ । सबैभन्दा ठूलो कारोबार राधी जलविद्युत् कम्पनीको भएको छ । ९१ करोड रुपैयाँ बराबर राधीकै सेयर किनबेच भएको छ । 

म्युचुअल फन्डको आम्दानीमा कर नलाग्ने, शैक्षिक संस्थालाई समेत कर छुट

इकागज | जेठ १६, २०७८

काठमाडौँ : सरकारले सामूहिक लगानी कोष (म्युचुअल फन्ड) ले आर्जन गर्ने नाफामा आयकर छुट दिने व्यवस्था गरेको छ…

१२ कम्पनीको सेयर मूल्यमा उच्च वृद्धि, कुन कम्पनीको कति पुग्यो ?

इकागज | बैशाख २९, २०७८

काठमाडौं : बुधबार सेयर बजारमा १२ कम्पनीको सेयर मूल्य उच्च दरले बढेको छ । यी कम्पनीहरूमा ९ प्रतिशतभन्दा बढ…