दिनदिनै नयाँ रेकर्ड बनाउँदै नेप्से परिसूचक २,६७४.४६ बिन्दूमा

इकागज | चैत २४, २०७७

काठमाडौँः यो साता नयाँ रेकर्ड बनाउँदै नेपाल स्टक एक्स्चेन्ज (नेप्से) परिसूचक मंगलबार २,६७४.४६ बिन्दूमा पुगेको छ । जलविद्युत् र होटल्स एण्ड टुरिजम समूहको परिसूचक सबैभन्दा उच्च क्रमशः ४.४६ र ५.६२ प्रतिशतले बढेका छन् । मंगलबार नेप्सेमा ट्रेडिङ समूह सबैभन्दा धेरै ९.४६ प्रतिशतले घटेको छ । साल्ट ट्रेडिङको सेयरमा ऋणात्मक सर्किट ब्रेक लागेको थियो । बोनस प्राप्त गरेपछि मंगलबार साल्ट ट्रेडिङको सेयरमा बिक्रीको चाप देखियो, जसले समग्र ट्रेडिङ समूहको परिसूचक नै ओरालो लागेको छ । 

मंगलबार बैंकिङ्ग, फाइनान्स, निर्जीवन बीमा कम्पनी, अन्य समूह र जीवन बीमा कम्पनी समूहको परिसूचक ओरालो लागेको छ भने जलविद्युत् र होटल्स एण्ड टुरिजम समूह सहित डेभलपमेन्ट ब्यांक, लघुवित्त, म्यानुफ्याक्चरिङ एण्ड प्रडक्सन, म्युचुअल फण्ड र इन्भेष्टमेन्ट समूहका परिसूचक उकालो लागेका छन् । 

मंगलबार जलविद्युत् कम्पनीहरूको सेयर १० प्रतिशतले बढेको छ । चिलिमे हाइड्रोपावर, युनिभर्सल पावर कम्पनी, युनाइटेड आइडीआइ मार्दी हाइड्रापावरको सेयर कारोबारमा सर्किट ब्रेक लागेको हो । त्यस्तै चन्द्रागिरि हिल्सको सेयर मूल्य पनि १० प्रतिशतले बढेर २,३४४ रुपैयाँमा अन्तिम कारोबार भएको छ । मंगलबार नेप्सेमा २१३ कम्पनीको ७ अर्ब ४७ करोड ७७ लाख रुपैयाँ मूल्यका १ करोड ६१ लाख आठ हजार ४ सय ९९ कित्ता सेयर ८१ हजार सात सय ५३ पटकको कारोबारबाट खरिद–बिक्री भएको छ ।
 

बैशाखबाट अरुण भ्यालीले हकप्रद जारी गर्ने, १ सेयर बराबर ०.५ सेयर

इकागज | चैत २२, २०७७

काठमाडौं : अरुण भ्याली हाईड्रोपावर डेभलपमेन्ड कम्पनी लिमिटेडले हकप्रद सेयर निष्काशन गर्ने भएको छ । आउँदो ब…

प्रिमियम मूल्यमा रु रु जलविद्युतको आइपिओ खुल्यो, तीन वर्ष लगातार नाफामा

इकागज | चैत २०, २०७७

काठमाडौं : रु रु जलविद्युत परियोजना लिमिटेडको साधारण सेयर (आइपिओ) खुलेको छ । एक सय रुपमा २० रुपैयाँ …

फागुन १० पछि पहिलोपटक नेप्से २,६०० अंक नाघ्यो, व्यापारबाहेक सबै समूहका परिसूचक हरियाली

इकागज | चैत १८, २०७७

काठमाडौँः नेपाल स्टक एक्सचेन्ज (नेप्से) परिसूचक फागुन १० पछि पहिलोपटक २,६०० अंकको थ्रेसहोल्ड नाघेर २,६१९.…

नेपाल टेलिकमले प्रति सेयर ४० रुपैयाँ लाभांश बाँड्ने, सोमबारबाट खातामा जम्मा

इकागज | चैत १४, २०७७

काठमाडौं : नेपाल दुरसञ्‍चार कम्पनी लिमिटेड (नेपाल टेलिकम)ले आफ्‍ना लगानीकर्तालाई प्रति सेयर ४० र…