काठमाडौँ- भ्रष्टाचारविरोधी आन्दोलनबाट भारतको दिल्लीबाट उदाएको आम आदमी पार्टी (आप) ले पञ्जाब विधानसभा चुनावमा ठूलो सफलता हात पार्ने देखिएको छ। गत फेब्रुअरी २० मा भएको विधानसभा चुनावको आजबाट सार्वजनिक हुन थालेको हो। नतिजाअनुसार आप हालसम्म १६ स्थानमा जीत हासिल गरिसकेको छ।

हालसम्म गणना भएको नतिजाअनुसार १ सय १७ सिट रहेको पञ्जाब विधानसभामा आप १६ स्थानमा विजयी भएको छ भने स्थानमा ७६ स्थानमा अगाडि देखिएको छ । पञ्जाबमा आपले सरकार बनाउन ५९ सिट आवश्यक पर्नेछ । अधिकांश स्थानमा अगाडि रहेको आपले ५९ भन्दा धेरै सिट जित्ने देखिएको छ ।

अन्यमा कांग्रेस १६ स्थानमा अगाडि तथा २ स्थानमा जीत तथा १६ स्थानमा अगाडी रहेको देखिन्छ। त्यस्तै अकाली दल र बसपाको गठबन्धन ३ स्थानमा अगाडि १ स्थानमा जीत रहेका छन् । एनडीए १ स्थानमा अगाडि देखिएको छ। बहुमत आउने देखिएपछि आपका कार्यकर्ता नेताहरू विजयी जुलस मनाउन लागेका छन् ।