चार संसदीय समितिको बैठक बस्दै

काठमाडौँ- संघीय संसद अन्तर्गतका चार समितिको बैठक बस्दैछ ।

संघीय संसद सचिवालयका अनुसार ती सवै समितिको बैठक सिंहदरवारस्थित कार्यालयमा बस्नेछन् ।

जसअनुसार उद्योग तथा वाणिज्य र श्रम तथा उपभोक्ता हित समितिको बैठकमा  विद्युतीय व्यापारका सम्बन्धमा व्यवस्था गर्न बनेको विधेयक, २०८० माथि  छलफल हुनेछ । जुन बैठक बिहान ११:३० बजे बोलाइएकोछ ।

कानून, न्याय तथा मानव अधिकार समितिको बैठक दिउँसो १:०० बजे बस्नेछ । जुन बैठकमा महान्यायधिवक्ता कार्यालयको काम कारबाहीको सम्बन्धमामा छलफल हुनेछ ।

सार्वजनिक लेखा समितिको बैठकमा २ वटा अजेन्डामा छलफल हुनेछ । जसअनुसार उपसमितिहरुले समितिमा छलफल गर्ने भनी औंल्याएका विषय तथा समितिमा प्राप्त उजुरी उपरहरु सम्बन्धमा छलफल गरिनेछ । जुन बैठक बिहान ११:०० बजेबाट सुरू हुनेछ ।

उता, दिउँसो ३:०० बजेबाट सार्वजनिक नीति तथा प्रत्यायोजित विधायन समितिको बैठक बस्नेछ । जुन बैठकमा संस्कृति, पर्यटन तथा नागरिक उड्‍डयन मन्त्रालयसँग छलफल हुने सबन्धित समितिले जनाएको छ ।