अल्झिएका विधेयकको निकास कसरी खोज्‍ने ?

काठमाडौँ : सभामुख अग्नि सापकोटा समक्ष प्रतिनिधि सभा अन्तर्गतका संसदीय समितिका सभापतिहरूले गुनासाहरू तेस्र्याएका छन् । आइतबार समामुख–सभापतिबीच भएको छलफलमा सभापतिहरू पछिल्लो समय देखिएको परिस्थितिका विषयमा गुनासो गरेका हुन्  । 

सरकारले संसद्लाई बिजनेश विहिन बनाएपछि सभामुख सापकोटाले सभापतिहरूलाई छलफलमा बोलाएका थिए । छलफलमा सभापतिहरूले यो अन्योलपूर्ण अवस्थामा सभामुखको भूमिका सक्रिय हुनुपर्ने राय व्यक्ति गरेका छन् । 

समामुख सापकोटाले पछिल्लो परिस्थितिमा समिति र संसद् कसरी जनमुखी बनाउन सकिन्छ भनेर सभापतिहरूसँग राय मागेका थिए । प्रतिपक्षी दलबाट प्रतिनिधित्व गर्ने सभापतिहरूले छलफलमा सरकारको अर्को आलोचना गरे । सरकार संसद्लाई पंगु बनाउने अभियानमा लागेको उनीहरूले प्रष्ट पारे ।   

अधिकांश सभापतिहरूले सरकारसँग समन्वय गरेर अन्योलपूर्ण अवस्थाको निकास जोज्नुपर्ने धारणा राखे । संसदीय समितिमा विचाराधीन विधेयकलाई अघि बढाउने विषयमा पनि सभामुखले सरकारसँग छलफल गर्नुपर्ने भनाई सभापतिहरूको थियो । 

बैठकमा सहभागी एक सभापतिका अनुसार सभापतिहरूले कर्मचारीदेखि पूर्वाधारसम्मका विषयमा सभामुख गुनासो पोखे । संसदीय समितिमा आवश्यक कर्मचारी नभएको र पूर्वाधार पनि पनि अभाव रहेको सभापतिहरूले गुनासो गरेका हुन् ।