बैंक-वित्त

वीरगन्जको नबिल बैंकबाट १ करोड ३४ लाख रुपैयाँ चोरी

इकागज | बैशाख १८, २०८१

काठमाडौँ- नबिल बैंकको वीरगन्जको बाइपास रोडमा रहेको शाखाबाट एक करोड ३४ लाख ६५ हजार रुपैयाँ चोरी भएको छ । बैंकले मंगलबार जिल्ला प्रहरी कार्यालय पर्सामा एक करोड रुपैयाँ बढी चोरी जाहेरी दिएको छ ।

आइतबार राति बैंकको ताल्चा फुटाई चोर भित्र प्रवेश गरेका थिए । प्रहरीका अनुसार वेल्डिङ गर्ने मेसिनले टिनको बक्सा काटेर पैसा चोरी गरेको देखिएको छ ।

प्रहरी नायव उपरीक्षक कुमार विक्रम थापाले चोरले टिनको बाकस फुटालेर एक सय र बीस रुपैयाँको नोट चोरी गरेको बताएका छन्। ‘बैंकको भल्ट सुरक्षित नै छ,’ थापाले भने, ‘सय र बीसको नोट राखिएको टिनको बक्सा काटेर पैसा चोरी भएको देखिएको छ ।’

 प्रहरीका अनुसार चोरले ४/५ वटा बोरामा हालेर पैसा लगेका छन् । बैंकको ताल्चा फुटाएका चोरले चोरी गरि फर्किने क्रममा गेटमा नयाँ ताल्चा लगाइदिएका थिए ।

सोमबार बिहान बैँकको गार्डले ताल्चा खोल्दा नयाँ ताल्चा लगाइएको पाएपछि प्रहरीलाई खबर गरेका थिए । प्रहरीको रोहबरमा नयाँ ताल्चा खोलेर बैंक भित्र प्रवेश गर्दा पैसा चोरी भएको पाइएको थियो ।

सोमबार चोरी भएको पैसा एकिन गरि बैंकले प्रहरीमा जाहेरी दिएको हो । डीएसपी थापाका अनुसार प्रहरीले बैंकमा भएको चोरीको घटनाको सम्बन्धमा अनुसन्धान अगाडि बढाएको छ ।

कामना सेवा विकास बैंकका ग्राहकले मुक्तिनाथ पोलिक्लिनिकमा छुट पाउने

इकागज | बैशाख १८, २०८१

काठमाडौँ- कामना सेवा विकास बैंकले बुटवल, रुपन्देहीस्थित ओम मुक्तिनाथ पोलिक्लिनिक प्रालिसँग सेवा शुल्क छ...

ग्लोबल आइएमई बैंकको ग्लोबल ग्रीन आवास कर्जा ८.९९ प्रतिशत स्थिर ब्याजदर

इकागज | बैशाख १७, २०८१

काठमाडौँ- ग्लोबल आइएमई बैंक लिमिटेडले ८.९९ प्रतिशत स्थिर ब्याजदरमा ग्लोबल ग्रीन आवास कर्जा योजना ल्याएको ...

सानिमा बैंकद्वारा सानिमा सुपर सेभिङ खाता अन्तर्गत १० लाखको दुर्घटना बीमा रकम हस्तान्तरण

इकागज | बैशाख १४, २०८१

काठमाडौँ- सानिमा बैंकले सानिमा सुपर सेभिङ खाता अन्तर्गत रु. १० लाखको दुर्घटना बीमा दाबी रकम हस्तान्तरण...

लक्ष्मी सनराइज बैंकको काठमाडौँ उपत्यकाभित्र २ वटा शाखा स्थानान्तरण

इकागज | बैशाख १३, २०८१

काठमाडौँ- लक्ष्मी सनराइज बैंकले काठमाडौँ उपत्यका भित्रका आफ्नो २ वटा शाखाहरू स्थानान्तरण गरेको छ । ...

सिद्धार्थ बैंकद्वारा पृथ्वी दिवसमा विभिन्न कार्यक्रम आयोजना

इकागज | बैशाख ११, २०८१

काठमाडौँ- सिद्धार्थ बैंक लिमिटेडले वैशाख १० गते पृथ्वी दिवस २०२४ को अवसरमा स्वच्छ वातावरण निर्माणमा सघा...