काठमाडौँ- आईसीसी पुरुष क्रिकेट विश्वकप छनोटअन्तर्गत आजबाट सुपर सिक्सको खेल हुँदैछ । सुपर सिक्सको पहिलो खेलमा आयोजक जिम्बाब्वेले ओमानको सामना गर्दैछ ।

जिम्बाब्वे र ओमानबीचको खेल क्विन्स स्पोर्टस क्लबमा नेपाली समयअनुसार दिउँसो १२:४५ बजेबाट सुरु हुनेछ । जिम्बाब्वे समूह ‘ए’ को विजेताको रुपमा सुपर सिक्स पुगेको हो । सुपर सिक्स पुग्दा जिम्बाब्वेलाई ४ अंकको फाइदा समेत भएको छ । उसले यस समूहबाट सुपर सिक्स पुगेका वेस्ट इन्डिज र नेदरल्यान्ड्सलाई पनि पराजित गरेको थियो ।

अर्कोतर्फ ओमान भने शून्य अंकका साथ सुपर सिक्समा खेल्दैछ । उसले समूह ‘बी’ मा तेस्रो हुँदा श्रीलंका र स्कटल्यान्डसँग पराजय भोगेको थियो ।