काठमाडौँ- एसियन क्रिकेट काउन्सिल (एसीसी) ले सामाजिक सञ्जाल फेसबुकको ‘कभर फोटो’ मा नेपाली राष्ट्रिय क्रिकेट टिमका कप्तान रोहित पौडेललाई समेटेको छ ।

एसीसीले शनिबार आफ्नो कभर फोटो परिवर्तन गरेको र त्यसमा रोहित पौडेललाई पनि समेटेको हो । रोहित पौडेलको कप्तानीमा नेपालले गत मंगलबार एसीसी प्रिमियर कपमा युनाइटेड अरब इमिरेट्सलाई सात विकेटले पराजित गर्दै एसिया कपमा स्थान बनाएको थियो ।

पाकिस्तानले आयोजना गर्ने एसिया कपमा नेपाल समूह ‘ए’ मा रहँदै पाकिस्तान र भारतसँग एकदिवसीय अन्तर्राष्ट्रिय क्रिकेट खेल्ने भएको छ । 

एसीसीले कभर फोटोमा अफगानिस्तान, भारत, पाकिस्तान, श्रीलंका, बंगलादेश र थाइल्यान्डको खेलाडीलाई समेत समेटेको छ ।

ट्विटरमा भने अफगानिस्तान, श्रीलंका, पाकिस्तान, भारत र बंगलादेशका खेलाडीलाई मात्र स्थान दिएको छ ।