काठमाडौँ- नेपाल प्रिमियर लिग (एनपीएल) मा लुम्बिनी लाइन्सले अस्ट्रेलियाका अलराउण्डर बेन कटिंगलाई भित्र्याएको छ । ३७ बर्षिय अलराउन्डर कटिंगलाई एनपीएलका लागि भित्र्याएको लुम्बिनीले जानकारी दिएको हो ।

बेन लुम्बिनीले भित्र्याएका दोस्रो विदेशी खेलाडी हुन् । यसअघि लुम्बिनीले इङल्याण्डका विकेट किपर ब्याट्सम्यान टम मूरेजलाई अनुबन्ध गरेको थियो । लुम्बिनीको मार्की खेलाडीमा राष्ट्रिय टिमका कप्तान रोहित पौडेल रहेका छन् ।

आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ ।