हत्या गरेको अभियोगमा पक्राउ
भदौ ३, २०८१
म्याग्दी- म्याग्दीको मालिका गाउँपालिका-३ डाडाँगाउँ बस्ने ४३ वर्षीया बिनाकुमारी बिकको हत्या गरेको अभियोगमा सोही ठाउँ बस्ने ३५ वर्षीय दलविर सिर्पालीलाई आइतबार राति प्रहरीले पक्राउ गरेको छ ।
सामान्य विवादका क्रममा दलविरले धारिलो हतियार प्रहार गर्दा बिनाको मृत्यु भएको भन्ने खबर प्राप्त हुनासाथ इलाका प्रहरी कार्यालय दरवाङबाट खटिएको प्रहरीले उनलाई पक्राउ गरेको हो । प्रहरीले घटनास्थलबाट धारिलो हतियार दाउ, हँसिया र बन्चरो फेला पारेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
