अपराध

लागूऔषधसहित दुईजना पक्राउ

इकागज | बैशाख १७, २०७८

जनकपुरधाम :  सप्तरी प्रहरीले लागूऔषधसहित दुईजनालाई पक्राउ गरेको छ । पक्राउ पर्नेमा बिष्णुपुर गाउँपालिका-७ कनकटा बस्ने २८ बर्षीय अभिमन्युकुमार र राजविराज नगरपालिका-८ बस्ने ४३ बर्षीय गज्जु दास रहेको सशस्त्र प्रहरी सप्तरीले जनाएको छ ।

स. ४ प ३४९७ नम्बरको मोटरसाइकलमा भारतबाट लागूऔषध ल्याउँदै गर्दा राजगढ गाउँपालिका-२ मा चेक प्वाइन्टमा सशस्त्र प्रहरीको गस्ती टोलीलाई देखेपछि भाग्दै गरेको अवस्थामा तिनीहरुलाई नियन्त्रणमा लिएको सशस्त्र प्रहरी उपरीक्षक राजु श्रेष्ठले जानकारी दिएका छन् । उनीहरूको साथबाट डाइजेपाम इन्जेक्सन ६४ थान, फेनारगन इन्जेक्सन ६५ थान, लिजेसिक बुप्रेनोरोफिन इन्जेक्सन ६५ थान, नाइट्रोसुन ट्याब्लेट ५० थान बरामद भएको छ ।

उनीहरूको साथबाट जिल्ला प्रशासन कार्यालय सप्तरीबाट जारी भएको लक्ष्मीकुमार मण्डलको र बोधनी देवीको नामबाट जारी भएको नागरिकता समेत बरामद भएको प्रहरी उपरीक्षक श्रेष्ठले जनाएको छ । पक्राउ परेकाहरुलाई आवश्यक कारबाहीका लागि जिल्ला प्रहरी कार्यालयको जिम्मा लगाइएको सशस्त्र प्रहरीले जनाएको छ ।

बन्दुकसहित पक्राउ

इकागज | बैशाख ९, २०७८

काठमाडौँ : कैलालीमा दुई थान भरुवा बन्दुकसहित एक जना पक्राउ परेका छन् । पक्राउ पर्नेमा गौरीगङ्गा नगरपालिका…

लागूऔषधसहित पक्राउ

इकागज | चैत ३१, २०७७

काठमाडौँ : प्रहरीले काठमाडौँको चन्द्रागिरि नगरपालिका-२ नागढुङ्गाबाट नियन्त्रित लागूऔषध ३०० एम्पुल डाइजेपाम…