काठमाडौं : नेपाल उद्योग वाणिज्य महासंघको कोषाध्यक्षका लागि भएको निर्वाचनमा शकुन्तलाल हिराचन निर्वाचित भएका छन् । उनी वरिष्ठ उपाध्यक्ष किशोर प्रधान प्यानलका हुन् । उनीसँग डिबी बस्नेतले प्रतिस्पर्धा गरेका थिए । हिचाचन निर्वाचित हुनुले महासंघको कार्यसमितिमा शेखर गोल्छाको प्रभुत्व देखिएको छ । त्यस्तै एशोसिएटतर्फ सदस्यमा बराबरी मत आएका मंगेशलाल श्रेष्ठ र विराट थापाले आधा–आधा कार्यकाल महासंघको कार्यसमितिमा  प्रतिनिधित्व गर्ने भएका छन् । महासंघको विशिष्ट सदस्यमा पूर्व अध्यक्ष पशुपति मुरारका नियुक्त भएका छन् । मुरारकाले महासंघको पदाधिकारी बैठकमा उपस्थिति जनाउन सक्छन् ।