साफ यू-१९: भुटानमाथि नेपालको संघर्षपूर्ण जित
माघ २१, २०८०
काठमाडौँ- बंगलादेशमा जारी साफ यू-१९ महिला फुटबल च्याम्पियनसीपमा नेपालले भुटानमाथि संघर्षपूर्ण जित हात पारेको छ ।
आइतबार भएको खेलमा नेपालले भुटानलाई १-० गोलअन्तरले पराजित गरेको हो । नेपालको जितमा सेनु परियारले निर्णायक गोल गरिन् । सेनुले ५४ औँ मिनेटमा गरेको गोलसँगै नेपालले भुटानलाई पराजित गर्‍यो ।
यसअघि पहिलो खेलमा नेपालले आयोजक बंगलादेशसँग ३-१ गोलअन्तरको पराजय भोगेको थियो । भुटानले भने भारतसँग १०-० गोलअन्तरको पराजय भोगेको थियो ।
