काठमाडौँ - चाइनिज सुपर लिग (सिएसएल) आइतवार देखि नेपाली दर्शकहरुले एक्सन स्पोर्टस्‌मा हेर्न पाउने भएका छन् । नेपाली समय अनुसार आइतवार  ४ः१५ बजे चाइनिज क्लवहरु डालिन प्रो र सान्दोङ टाइसान मैदानमा उत्रिँदैछन् । यस्तै सोमबार ५ः१५ मा सेन्जेन र बेइजिङ तथा मंगलबार ४ः१५ मा साङ्घाई पोर्टसँग उहान थ्रि टाउनले प्रतिस्पर्धा गर्नेछ।

चार चरणमा विभाजन गरि खेलाइने चाइनिज सुपर लिग (सिएसएल) मा क्रमशः १०, ८, ८ र ८ राउन्ड खेल हुनेछ ।  आइतबार देखी पहिलो चरणको १० औ राउन्डको खेलहरु एक्सन स्पोर्टस्ले प्रशारण गर्न लागेको हो। चाइनिज सुपर लिगको यस सिजनमा कुल १८ टिमले उपाधिका लागि प्रतिस्पर्धा गर्दैछन् ।

विश्वकप, युरोपियन  लिग, लगायत अन्य  लिगहरु  रुचाउँदै  आएको नेपाली फुटबल प्रेमी  दर्शकहरुलाई,  चाइनिज  सुपर  लिग (सिएसएल) नयाँ फुटबल  लिग थप  हुनुको  साथै   विश्वस्तरीय फुटबल खेलाडीहरु ब्राजिलियन खेलाडि ओस्कार, सर्जिन्ह्यो, एन्डरसन सिल्भा बेल्जियमका फेलानी, कंगोका  सेड्रिक  बकाम्बु, स्विडेनका  लार्सन विभिन्न क्लबहरुबाट प्रतिस्पर्धा गर्ने हुँदा आकर्षणको केन्द्र हुने छ ।