काठमाडौँको गैह्रीगाउँमा बसको ठक्करबाट पैदल यात्रीको मृत्यु
पुस १, २०७९
काठमाडौँ - काठमाडौँको गैह्रीगाँउमा बसको ठक्करबाट एक जना पैदल यात्रीको ज्यान गएको छ । बा ५ ख ५६२२ नम्बरको बसले शुक्रबार बिहानै ठक्कर दिँदा गम्भीर घाइते भएका उनको काठमाडौँ मेडिकल कलेज सिनामंगलमा उपचारको क्रममा मृत्यु भएको प्रहरीले जनाएको छ ।
मृतकको सनाखत हुन सकेको छैन । मृतक अन्दाजी ४५ वर्षीय पुरुषको सनाखत हुन नसकेको ट्राफिक प्रहरी प्रभाग कोटेश्वरले जनाएको छ ।
सवारी साधनसहित चालकलाई प्रहरीले नियन्त्रणमा लिएको छ ।
