उदयपुरमा वनभाेज खाएर फर्किने क्रममा स्कुल बस दुर्घटना, चालकसहित ३ जनाको मृत्यु
काठमाडौँ- उदयपुरमा वनभाेज खाएर फर्किने क्रममा स्कुलको बस दुर्घटना हुँदा चालकसहित ३ जनाको मृत्यु भएको छ भने दर्जनौं गम्भीर घाइते भएका छन् ।
मृत्यु हुनेहरूमा त्रियुगा नगरपालिका-५ का चालक ४० वर्षीय भिखन चौधरी, त्रियुगा ६ का ७ वर्षीया सम्या चौधरी र ६ वर्षीय विकाश चौधरी रहेकाे जिल्ला प्रहरी कार्यालय उदयपुरका प्रवक्ता एवं प्रहरी नायव उपरीक्षक हरिनन्दन चौधरीले बताएका छन् ।
मदन भण्डारी राजमार्ग अन्तर्गत उदयपुरगढी गाउँपालिका-७ अँधेरीमा त्रियुगा नगरपालिका-५, अन्नपूर्ण स्कुलको बस दिउँसाे करिब १ बजे दुर्घटना भएकाे हाे । बसमा ३५ जना सवार रहेकाे प्रहरीले जनाएकाे छ ।
घाइतेहरूलाई जिल्ला अस्पताल उदयपुरमा पुर्याइएको र गम्भीर अवस्थाका घाइतेहरूलाई विराटनगरतर्फ रेफर गर्ने तयारी भइरहेको जनाइएको छ । ३४ जनालाई जिल्ला अस्पताल उदयपुरमा ल्याइसकिएको र उनीहरूको उपचार सुरु भएको जनाइएको छ ।
